सत्य निरुपणया म्याद थपे जूसां असन्तुष्ट

येँ – गठन जुसांनिसें हे विवादय् लानाच्वंगु सत्य निरुपण व बेपत्ता छानबिन निगुलिं आयोगया म्याद सरकारं मेगु दछि थपे याना बिउगु दु । तर म्याद थपे याना बिउसां आयोगं माग यानाच्वं थें कानून संशोधन व सर्वोच्चया आदेश खारेज यायेगु ज्या सरकारं याना मबिउगु कारणं थ्व दछि नं सितिकं वनीगु सम्भावना प्रवल जुया वःगु दु । सरकारं थ्व निगुलिं आयोगयात शुरुइ निदँया म्याद बियाः गठन याःगु खः । इलय् ज्या सिमधयेवं मेगु दछि थपे याना बिल ।

वयां लिपा थुकिया म्याद थपे हे याये मजिउगु खःसां आः वयाः हानं दछि थपे याना बिउगु खः । आयोगया पदाधिकारीतय्सं आः नं आयोग सम्बन्धी कानून संशोधन मयात धाःसा थःपिंसं हे राजीनामा बियाः आयोग त्वःतेगु ख्याच्वः बिउगु खँ सीदुगु दु । सत्य निरुपण आयोगय् ६० हजार उजुरी दर्ता जूगु दु । थुकी मध्ये १५०० या छानबिन क्वचाःगु दुसा करिब ५००० म्ह मनूतय्के बयान काये क्वचायेका तःगु दु । तर लिच्वः धाःसा छगूया नं वःगु मदुनि ।

सम्बन्धित बुखँ

LEAVE YOUR COMMENTS