चर्चा अनुष्का शर्माया

थ्व इलय् सामाजिक संजालय् बलिउड नायिका अनुष्का शर्मा व्यापक रुपं चर्चाय् वयाच्वंगु दु । अनुष्का शर्मा थुकथं चर्चाय् वःगु कारण वयागु छुं न्हूगु संकिपा, वयागु अभिनय वा अज्याःगु छुं कारणं धाःसा मखु । अय्नं अनुष्काया चर्चा बांलक हे जुयाच्वंगु दु धाःसां छुं पाइमखु ।
वास्तवय् अनुष्काया थुभनं थ्व इलय् चर्चा जुयाच्वंगु कारण छु खः धाःसा अनुष्का थें खने दुम्ह मेम्ह मिसाया कारणं खः ।

अनुष्का थें खने दुम्ह उम्ह मिसा अमेरिकी म्येँ हालामि जुलिया माइकल्स खः । जुलिया व अनुष्का निम्हं उथें उथें खने दु धासें सामाजिक संजालय् निम्हेसिगु किपा व्यापक रुपं भाइरल जुयाच्वंगु दु ।

निम्हेसिगु चर्चा व्यापक जुइवं स्वयम जुलियां नं थःत अनुष्का शर्मा थें खने दुगु धासें निम्हेसिगुं किपा नापं तयाः ‘अनुष्का शर्मा झी निम्ह जुम्ल्याहा’ धकाः पोस्ट याःगु जक मखसे अनुष्कायात नं ‘ट्याग’ याना बिउगु दु । जुलियाया उकथंया टिप्पणीयात कयाः अनुष्कां नं ‘खः जिं नं जिवंकाःछि छ, जि अले झीगु ख्वाःलिसे ज्वःलाःपिं न्याम्हेसित मालाच्वनागु दु’ धकाः थःगु प्रतिक्रिया बिउगु दु ।