सफू बहुउद्देश्यीय सहकारीया स्वक्वःगु दँमुँज्या

येँ- नेपालभाषा सफू बहुउद्देश्यीय सहकारी संस्थाया स्वक्वःगु दँमुँज्या संस्थाया नायः हरिप्रसाद श्रेष्ठया सभापतित्वय् जुल । दँमुँज्या संस्थाया पुलांम्ह नायः गणेशराम लाछिया प्रमुख आतिथ्यताय् जूगु खः ।

‘च्वमि व ब्वँमि जायेनु, झीगु भाषा च्वजायेकेनु’ धइगु नारा बियाः न्ह्याःगु दँमुँज्याय् संस्थाया न्वकु वसन्त महर्जनं लसकुस यानादीगु खःसा संस्थाया दांभरिं अष्टनारायण महर्जनं आर्थिक प्रतिवेदन न्ह्यब्वयादीगु खः । ज्याझ्वलय् नवानादीपिं वक्तापिंसं संस्थायात धिसिलाक्क न्ह्याकेत थीथीकथंया सल्लाह सुझाव बियादीगु खःसा संस्थां यायेमाःगु ज्याझ्वः मगाःमचाःयात कयाः नं नुगःखँ तयादीगु खः ।

नेपालभाषाया साहित्य लगायत मेमेगु सफूया बजाः व्यवस्थापन यायेगु व सपूmया बजाः बांलाः मजूगुलिं ब्वँमिपित संगठित यानाः सपूm ब्वँमियाथाय्तक थ्यंकेगु उद्देश्यनापं सपूmया च्वमि व ब्वँमिया दथुइ खने दयाच्वंगु दूरीयात सतिका यंकेगु ल्याखं संस्थाया गठन यानातःगु खः । साहित्यया संरक्षण व विकास यायेगु तातुनाः नीच्याम्ह व्यक्तिपाखें शुरु जूगु संस्थाय् आः वयाः थ्यंमथ्यं निसःम्ह दुजः दयेधुंकूगु जानकारी नं बिउगु खः ।

ज्याझ्वःया सभापति श्रेष्ठं द्वःछिम्ह दुजःतक थ्यंकेगु व वयां लिपा संस्था हे प्रकाशक जुयाः न्ह्याः वनेगु योजना दुगु जानकारी बियादिल ।

सम्बन्धित बुखँ

LEAVE YOUR COMMENTS