लानिपुखू नं मरुसतःया मोडेलय्

येँ – सकस्यां सरोकारया विषय जुयाच्वंगु लानिपुखू निर्माणया लागिं दकलय् लिपा आह्वान याःगु टेण्डर नं खारेज यायेवं आः थुकियात टेण्डर प्रणालीं मयासे मेगु हे मोडेलं निर्माण यायेगु बारे सोच जुयाच्वंगु खँ सीदुगु दु । येँ मनपाया प्रवक्ता इश्वरमान डंगोलं आः लानिपुखू पुनर्निर्माण न्हूगु हे मोडेलं यायेगु लागिं मनपाय् बिचाः जुयाच्वंगु खँ कनादीगु दु ।

विज्ञ सूत्रं धाः कथं आः लानिपुखू नं मरुसतः पुनर्निर्माण मोडेलं दयेकेगु बारे बिचाः जुयाच्वंगु दु । मरुसतः नं न्हापा गय् यानाः दयेकेगु धकाः थीथी मोडेलय् खँ जुयाच्वंगु खःसा अन्तिमय् वनाः जनस्तरपाखें हे जननिर्वाचित प्रतिनिधिया अध्यक्षताय् पुनर्निर्माण समिति गठन यानाः ज्या न्ह्याकूगु खः ।

आः काष्ठमण्डप पुनर्निर्माणया ज्यायात सकस्यां च्वछाया हःगु व थुकिं ज्या नं इलय् सिधयेकीगु सम्भावना अप्वया वःगुलिं लानिपुखूया पुनर्निर्माण नं थ्वहे मोडेलं दयेकेगु बारे बिचाः शुरु जूगु खः ।

आः मरुसतः थें लानिपुखू नं राजधानी येँदेय्पाखें त्याना वंम्ह प्रदेशसभाया छम्ह सांसदया अध्यक्षताय् समिति गठन यानाः ज्या न्ह्याकेगु खः लाकि धकाः बिचाः जुयाच्वंगु दु । लानिपुखू दयेकेगु लागिं लिपांगुखुसी टेण्डर तःपिं ठेकेदारतय्सं मिलोमतो यानाः टेण्डर तःगु खने दुगुलिं उकियात खारेज यायेमाःगु खः धाःगु दु ।

सम्बन्धित बुखँ

LEAVE YOUR COMMENTS