छायाँदेवी विरुद्ध संसदय् उजुरी

येँ – थनया थँबहिली नकतिनि सञ्चालनय् जूगु छायाँदेवी कम्प्लेक्सया विषयय् नेवाः राजनीतिक अभियानं वंगु शुक्रवाः संसदया कृषि सहकारी तथा प्राकृतिक स्रोत समितियात ज्ञापनपौ लःल्हात ।नेवाः राजनीतिक अभियानया संयोजक सानुकाजी महर्जनं हस्ताक्षर यानातःगु उगु ज्ञापनपौ लः ल्हाना कासें समितिया सभापति पूर्णकुमारी सुवेदीं थःपिंसं उगु कम्प्लेक्सया स्थलगत अध्ययन यानाः माःगु कारबाही प्रक्रिया न्ह्याकेगु बचं बियादीगु खँ अभियानया दुजः भागवत नरसिंह प्रधानं ‘नेपालभाषा टाइम्स’ यात कनादिल ।

वय्कलं कनादीकथं सभापति सुवेदीं समितिइ थज्याःगु आपालं केश वयाच्वंगु धासें सार्वजनिक सरकारी जग्गाया बारे थःपिंसं माःगु अध्ययन यानाच्वनागु व उकियात कयाः कारबाही यायेगु प्रतिवद्धता नं प्वंकादीगु खः । वय्कलं स्थानीय जनतां ल्ह्वनीगु सकारात्मक ज्याय् समितिं न्ह्याबलें नं ग्वाहालि यायेगु बचं बिसें सुवेदीं थुकिया बारे समितिं याकनं स्थानीय जनतालिसे सहलह यायेगु खँ नं कनादिल ।

वंगु छुं ई जक संस्कृति मन्त्री रविन्द्र अधिकारीं छाँयादेवी कम्प्लेक्सया उलेज्या यायेगु ज्याझ्वः तयातःगु खःसां स्थानीय जनतां उलेज्या समारोहय् हे वनाः विरोध यानाच्वंगु कारणं मन्त्री अधिकार उकिया उलेज्या समारोहय् मथ्यंगु खः । मन्त्री अधिकारी मवःगु जुयाः उलेज्या यायेत एमालेया नेता योगेश भट्टराई वःगु खः । न्हापा पुखू लानाच्वंगु थँबहीया उगु लागाय् पुखू त्वपुनाः अन छाँयादेवी कम्प्लेक्स दयेकूगु खः ।

सम्बन्धित बुखँ

LEAVE YOUR COMMENTS