मेलुङ–स्याफ्रुबेसी सतक स्तरोन्नति जुइगु

येँ – चीन नाप स्वाःगु व्यापारिक नाका रसुवागढी तक थ्यनीगु मेलुङ–स्याफ्रुवेसी सडक स्तरोन्नति जुइगु जूगु दु । सतक स्तरोन्नतिया निंतिं वइगु माघ महिनाया न्हापांगु वालय् टेन्डर आह्वान यायेगु तयारी जुयाच्वंगु खँ गल्छि–त्रिशुली–मैलुङ–स्याफ्रुवेसी सडक आयोजनां धाःगु दु ।
आयोजनाया कथं विस्तुत आयोजना प्रतिवेदन (डीपीआर) फाइनल जुइगु चरणय् थ्यंगुलिं टेन्डर आह्वान यायेगु तयारी नं शुरु जूगु खः ।

डीपीआर निवाःया दुने फाइनल जुइगु खँ धाःगु दु । सतक निगू लेनय् स्तरोन्नति यायेत्यंगु खः । नेपाली सेनां ट्रयाक चायेकाः वंगु जेठय् आयोजनायात हस्तान्तरण याःगु १७ किलोमिटर व आयोजना थम्हं ट्रयाक चायेकूगु २ किलोमिटर सतक निगू लेनया जुइगु खँ धाःगु दुृ ।

नेपाली सेनां सतक हस्तान्तरण यायेधुंका वर्षाया इलय् थीथी थासय् चलः वनाः न्हापा दयेकातये धुंकूगु डीपीआर संशोधन यायेमाःगु खँ धाःगु दु । आः डीपीआर संशोधन यायेगु ज्या अन्तिम चरणय् थ्यंगुलिं वइगु माघया न्हापांगु वालय् टेन्डर आह्वान यायेगु तयारी जुयाच्वंगु खः । आयोजनाया कथं टेन्डर आह्वान जूगु स्वलाया दुने ठेक्का सम्झौता जुइ । ठेकेदार कम्पनीं दत्याया दुने सतक दयेकेगु ज्या क्वचायेकेमाः ।