भैरहवा ग्लाडियटर्स प्लेअफय्

येँ – एभरेस्ट प्रिमियर लिगया प्लेअफय् थ्यंगु न्हापांगु टिम भैरहवा ग्लाडियटर्स जूगु दु । बुधवाः जूगु कासाय् विराटनगर वारियर्सयात प्यंगू विकेटं बुकुसें भैरहवाः प्लेअफय् थ्यंगु खः । विराटनगरं न्हापां ब्याटिङ्ग यासें मुक्कं ९२ रन जक दयेकूगु खः । भैरहवाः १९.४ ओभरय् ६ विकेटया क्षतिइ विजय रन चूलाकूगु खः ।

भैरहवाया निंतिं रायन टेन डोसकाटें २० रन दयेकल । कप्तान शरद भेषवाकरं १६ रन, रवी इन्दर सिंहं १२, प्रदीप ऐरीं १० रन, रोहित पौडेलं अविजित ७ रन दयेकूगु खः । विराटनगरया निंतिं भान डेर मेर्वीं निगू विकेट काःगु खः । टस त्याकाः न्हापां ब्याटिङ्ग याःगु विराटनगरं १८ ओभर ४ बलय् फुक्कं विकेटया क्षतिइ ९१ रन जक दयेकूगु खः ।

विराटनगरया निंतिं भान डेर मेर्वीं २५, करण केसीं १८, सुमित महर्जनं १५ रन व हरिबहादुर चौहानं अविजित १३ रन दयेकूगु खः ।भैरहवाया निंतिं मोहम्मद नाभिदं प्यंगू, कृष्ण कार्की व अविनाश बोहोरां निगू निगू विकेट
काःगु खः ।

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन