पेट्रोलियम पदार्थया सवारी विस्थापित याइगु

येँ –  प्रदेश ३ या सरकारं पेट्रोलियम पदार्थं संचालन जुइगु सवारी साधनयात विस्थापित यायेगु नीति काःगु दु । उकिया थासय् विद्युतीय बस संचालन यायेगु तयारी नं याःगु दु । प्रदेश नं. ३ या मुख्यमन्त्री डोरमणि पौडेलं प्रदेश सरकारं वि.सं. २०८५ साल तकया दुने ३ नं प्रदेशया न्यागू सहरय् पेट्रोलियम पदार्थं संचालन जुयाच्वंगु सवारी साधनयात विस्थापित यानाः विद्युतीय बस संचालन यायेगु धयादीगु दु ।

वय्कलं येँ महानगरपालिका व साझा यातायातया प्रतिनिधिमण्डल नापं थ्व सम्बन्धय् सहलह यासें साझाया ३० गू करोडया शेयर न्यानाः विद्युतीय बस संचालन यायेगु धयादिल । सहलहया इलय् पेट्रोलियम पदार्थया सवारी साधन विस्थापित यायेगु नीति कार्यान्वयन यायेत चालु आर्थिक दँय् साझाया सेयर न्यायेगु प्रतिवद्धता प्वंकादिसें वय्कलं विद्युुतीय सवारी संचालनय् साझालिसे सहकार्य यायेत तयार दु धयादिल ।

सम्बन्धित बुखँ

LEAVE YOUR COMMENTS