बुद्ध पथय् साइकल यात्रा

येँ  – येँया स्वयम्भू, बौद्ध व काभ्रेया नमोबुद्धयात बुद्ध पथ (सर्किट) दयेकेत माग यासें म्हिगः स्वयम्भूंनिसें नमोबुद्ध तक साइकल यात्रा यात । चारुमती बुद्धिष्ट मिसन नेपाःया ग्वसालय् वल्र्ड साइकल टुर क्याम्पेन नेपाःया ग्वाहालिइ न्ह्याःगु उगु ¥यालीइ निसःम्हेस्यां ब्वति काःगु खः । उगु यात्राया नेतृत्व विश्व साइकल यात्री पुस्कर शाहं यानादीगु खःसा कीर्तिमानी धावक बैकुण्ठ मानन्धर नं साइकल यात्राय् ब्वति कयादीगु दु ।

चारुमती बुद्धिष्ट मिसन नेपाःया अध्यक्ष भिक्षु तपस्सी धम्मं ज्याझ्वःया उलेज्या यासें स्वयम्भू, बौद्ध व नमोबुद्धयात बुद्धपथया रुपय् विकास यायेफत धाःसा धार्मिक पर्यटकया आकर्षण अप्वइगु बिचाः प्वंकादिल । ज्याझ्वलय् नेपाल टेलिभिजनया महाप्रबन्धक गोविन्द रोक्का, इमेज च्यानलया महाप्रबन्धक रघुवीर मानन्धरं नं न्ववानादीगु खः । थ्यंमथ्यं ५० किलोमिटरया उगु यात्राया पुचःयात नमोबुद्ध नगरपालिका व पनौती नगरपालिकां अभिन–न्दन याःगु खः ।

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन