चार्जिङ स्टेशनय् निजी ख्यःया चिउताः

येँ – सरकारं विद्युतीय सवारी साधन संचालन यायेगु तयारी यानाच्वंगु इलय् निजी ख्यलं नं उकियात चिउताः क्यना हःगु दु । सरकारं विद्युतीय सवारी साधन संचालनया तयारी यायेवं निजी ख्यलं अज्याःगु सवारी साधनया निंतिं आवश्यक चार्जिङ स्टेशन दयेकेत चिउताः क्यंगु खः ।

सरकारं तत्कालया निंतिं चार्जिङ स्टेशन सम्बन्धी छुं नीतिगत निर्णय व व्यवस्था मयाःसां निजी ख्यलं धाःसा उकिया निंतिं थःपिं तयार दुगु खँ धाःगु दु । निजी ख्यलं सरकारं याकनं नीतिगत व्यवस्था यानाबिल धाःसा चार्जिङ स्टेशन दयेकेत थःपिं तयार दुगु खँ धाःगु दु ।

स्वतन्त्र उर्जा उत्पादकतय् संस्था (इपानं) सरकारं उपयुक्त वातावरण तयार यानाबिल धाःसा खुलाया दुने चार्जिङ स्टेशन जडान यानाः सांचालनय् तकं हयेगु दावी याःगु दु । सरकारं लिपांगु इलय् विद्युतीय सवारी साधनयात प्रोत्साहन बीगु तयारी याःगु दु । सरकारया उगु हे लक्ष्य पूवंकेत निजी ख्यः नं ग्वाहालि यायेत तयार दुगु इपानया नायः शैलेन्द्र गुरागाइँ नं कनादिल ।

विद्युतीय सवारी साधनप्रति आम नागरिकया चिउताः अप्वया वनाच्वंगु सन्दर्भय् सरकारं आवश्यककथंया नीतिगत व्यवस्था यानाबिल धाःसा व लगानी नं लित वइगु वातावरण दयेकाबिल धाःसा चार्जिङ स्टेशन दयेकेत थःपिं नं तयार दुगु वय्कलं धयादिल ।वंगु छुं दिं न्ह्यः जक निगः विद्युतीय बस हःगु साझा यातायातं आः हाकनं मेगु स्वंगः विद्युतीय बस थप यायेगु तयारी यानाच्वंगु दु ।

सम्बन्धित बुखँ

LEAVE YOUR COMMENTS