इशाइ मिसाया मृत्युदण्डया सजाय रद्द यायेवं पाकिस्तानय् प्रदर्शन सुरु

मृत्युदण्डया सजाय न्यंकातःम्ह छम्ह इशाइ मिसायात सर्वोच्च अदालतं त्वःते आदेश बिइवं पाकिस्तानय् तःधंगु विरोध प्रदर्शन सुरु जूगु दु । इसाइ मिसा आसिया बीबीयात इशनिन्दाया मामिलाय् क्वय्या अदालत व हाइ कोर्टं मृत्युदण्डया सजाय न्यंकातःगु खः । थ्व सजाय विरुद्ध जूगु अपीलय् सुनुवाइ यासें सर्वोच्चं रिहा यायेत आदेश बिउगु खः ।

सर्वोच्चया स्वम्ह न्यायाधीशतय् बेञ्चं आसिया बीबीयात रिहा यायेगु फैसला न्यंकूगु खः । फैसला न्यंकुसें प्रधान न्यायाधीश मियां साकिब निसारं हाइकोर्ट व ट्रायल कोर्टया फैसला रद्द जुइ धासें यदि मेगु छुं मामिलाय् मुद्दा मदुसां तुरुन्त हिरा याः धाःगु खः ।

थ्व फैसला च्वःम्ह सर्वोच्च अदालतया न्यायाधीश जस्टिस आसिफ सइद खोसां न्ह्यथंगु दु– पैगम्बर मोहम्मद वा कुरानया अपमान याःम्हेसिया सजाय मृत्युदण्ड वा उम्रकैद खः । तर थज्याःगु मामिलाय् अप्वः थें गलत द्वपं बिइगु याः ।

अदालतया फैसला लिपा पाकिस्तानया गुलिखे शहरय् प्रदर्शन सु जूगु दु । पंजाब प्रान्तय् धारा १४४ लागु यायेधुंकूगु दु । थन प्रहरीं न्याम्हं अप्वः मनूत मुने मदुगु सुचं जारी यायेधुंकूगु दु ।

सम्बन्धित बुखँ

LEAVE YOUR COMMENTS