बलिउड अभिनेत्री अनुस्का सेठ्ठी व अभिनेता प्रभासया सम्बन्धयात कयाः इलय्व्यलय् संचार माध्यमय् चर्चा जुइगु याः । बलिउडया ब्लक बस्टर संकिपा ‘बाहुबली’या थुपिं निम्ह नायक–नायिकाया अन्तरंग सम्बन्धं संचार माध्यमय् नं बांलाक हे थाय् कयाच्वंगु दु ।

निम्हेसिया सम्बन्ध बारे आपालं चर्चा–परिचर्चा लिपा आः वयाः नायिका अनुस्कां थःपिनिगु दथुइ अज्याःगु छुं नं सम्बन्ध मदुगु खुलासा याःगु दु । प्रभासनाप अज्याःगु छुं कथंया नं ‘अफेयर’ मदुगु प्रतिक्रिया आः नकतिनि जक अनुस्कां बिउगु खः ।
अनुस्का व प्रभास दथुइ क्वातुगु मतिनाया स्वापू दुगु जक मखु, इपिं निम्हं ‘इंगेजमेन्ट’ तकं यायेगु तयारी जुयाच्वन धइगु समाचार पिहां वःगु इलय् नायिका अनुस्कां थःपिनिगु प्रेम सम्बन्ध दुगु खँ अस्वीकार याःगु खः ।

आः नकतिनि बिउगु छगू अन्तर्वार्ताय् थः व प्रभावया दथुइ अज्याःगु छुंकथंया नं सम्बन्ध मदु धासें अनुस्कां धाःगु दु, ‘जि व प्रभासया दथुइ अज्याःगु छुं नं सम्बन्ध मदु, गुगु चर्चाय् वयाच्वंगु खः, जिमिगु दथुइ सम्बन्ध दुसा विशुद्ध मित्रता (पासा) या जक सम्बन्ध दु । थ्व बाहेकं मेगु छुं मदु । ’
‘जि व प्रभासया दथुइ इहिपा जुइत्यंगु धइगु खँ सरासर फय्गं खः, जब जिं इहिपा याये अबलय् सकसितं खबर यायेगु जुइ ।’ अनुस्कां न्ह्यःने धाःगु दु, ‘जिं जिगु परिवारं माला बिउम्ह मिजंनाप हे इहिपा यायेगु जुइ ।’

सम्बन्धित बुखँ

LEAVE YOUR COMMENTS