All for Joomla All for Webmasters

ने.सं. ११३६ यंलागा अष्टमी

अमेरिकी कवयित्रीलिसे नेपालभाषा कविता गोष्ठी याइगु

नेपालभाषा एकेदमिया ब्वनाय् अमेरिकी कवयित्री मय्जु विला सेनेवर्ग नेपाः झाइगु जूगु दु । थ्वहे वइगु सिल्लागाः ४ (फागुन २१÷फ्रेब्रुअरी ४) कुन्हु वय्कः नेपाः थ्यंकादीसा वयां लिपा स्वन्हु झ्वःलिं जुइगु थीथी साहित्यिक ज्याझ्वलय् वय्कलं ब्वति कयादी । नेपालभाषा परिषद्या छ्यांज्ये नवीन चित्रकारं बियादीगु जानकारी कथं मय्जु सेनेवर्गं सिल्लागाः ५ कुन्हु नेपालभाषा परिषद्या ग्वसालय् जुइगु कवि गोष्ठीइ ब्वति कयादी । गोष्ठीइ अंग्रेजीं अनुवाद जुयाच्वंगु नेपालभाषाया कविता पाठ यायेगु ज्या जुइ । वयां कुन्हु मिसा साहित्यकारपिनि संस्था गुञ्जनपाखें याइगु साहित्यिक अन्तक्र्रिया ज्याझ्वलय् वय्कलं ब्वति कयादी ।

सिल्लागाः ७ कुन्हु नेपाल प्रज्ञा प्रतिष्ठानं ग्वसाः ग्वइगु अनुवाद साहित्य सम्बन्धी ज्याझ्वलय् वय्कः सहभागी जुयादी । उगु ज्याझ्वलय् अनुवाद साहित्यय् सक्रिय जुयादीम्ह महेश पौडेलं ज्यापौ न्ह्यब्वइगु ग्वसाः दु । मय्जु सेनेवर्ग अमेरिकाया पोर्टल्याण्डय् च्वनादीम्ह साहित्यकार लिसें मूर्तिकार खः । वय्कःया प्यंगू काव्य सफू पिदनेधुंकूगु दुसा बुद्ध धर्मया बारे नं वय्कलं गहन अध्ययन यानादीगु दु । वय्कःलिसे जुइगु थ्व साहित्यिक ज्याझ्वःपाखें नेपालय् ल्हाइगु थीथी भाषाया साहित्यकारपिं व अमेरिकी साहित्यकारपिनि दथुइ क्वातुगु स्वापू कायम जुया वनीगु विश्वास यानातःगु दु ।

 

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.