All for Joomla All for Webmasters

ने.सं. ११३६ यंलागा अष्टमी

उम्मेदवार ल्ययेत थौं वाम एकता कार्यदलया बैठक

राष्ट्रिय सभाय् उम्मेदवार थनेगु खँयात कयाः एमाले व माओवादी केन्द्र दथुइ जुइगु एकताया निंतिं दयेकातःगु कार्यदलया बैठक थौं च्वनीगु जूगु दु । थ्व बैठकय् राष्ट्रिय सभाया निंतिं साझा उम्मेदवार ल्ययेगु जक मखु, प्रदेश सभा गठन बारे नं सहलह याइगु खँ धाःगु दु ।कार्यदलया बैठक थौं सिंहदरबारय् एमाले संसदीय दलया ज्याकुथिइ न्हिनय् ३ बजे च्वनी धाःगु दु । बैठकय् राष्ट्रिय सभा निर्वाचन व प्रदेश सभा बारे मंकाः धारणा क्वःछिइगु खँ कार्यदलया दुजः एमाले नेता सुवास नेम्वाङं धयादीगु दु ।

पार्टी एकता सम्बन्धी खँ धाःसा थाइल्यान्डय् वासः याकः वनाच्वंम्ह एमाले अध्यक्ष केपी ओली लिहां वये धुंकाः जक जुइगु खँ धाःगु दु ।एमालें राष्ट्रिय सभाय् उम्मेदवार जुइपिनिगु मापदण्ड नं क्वःछिइ धुंकूगु दु । एमालें वंगु प्रतिनिधि सभा व प्रदेश सभा निर्वाचनय् पराजित जूपिंत हाकनं राष्ट्रिय सभाय् मथनेगु खँ धाःगु दु । अथेहे समानुपातिकया धलखय् लाःपिंत नं मथनेगु खँ धाःगु दु । एमालें राष्ट्रिय सभाय् विज्ञान, शिक्षा, स्वास्थ्य, व्यापार लिसें थीथी ख्यलय् विशिष्ट योगादान बिउपिंत राष्ट्रिय सभा उम्मेदवार दयेकेगुलिइ प्राथमिकता बीगु खँ धाःगु दु ।

 

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.