All for Joomla All for Webmasters

ने.सं. ११३६ यंलागा अष्टमी

ह्युमतय् कुमार पुजा (फोटा फिचर)

ह्युमत मिसा पुचःया ग्वसालय् शनिवाः कुमार पुजा जुल । पुचःया ग्वसालय् निक्वःगुखुसी जूगु कुमार पुजा ३६६ म्ह मिजंमस्तय्सं ब्वति काःगु खः ।


सुथय् न्हूघलय् च्वंम्ह कुमार द्यःयात पुज्याना सुरु जूगु कुमार पुजाया झ्वलय् पुजाय् ब्वति काःपिं सकल मस्तय्त किलाघःया कुमार व गणेशया नं दर्शन याकूगु खः । धिम बाजं थानाः कुमार दर्शन याका हयेधुंकाः ह्युमतय् मस्तय्त लसकुस यानाः कुमार पुजा सुरु याःगु खः । थ्व झ्वलय् सकल मस्तय्त हाकुगु तपुलिं पुकाः, सिन्हः तिकाः पुजा याःगु खः ।


कुमार पुजाय् स्व्निगःया थीथी थासं लिसें नुवाकोट, पनौति, सक्वयापिं मस्तय्सं नं ब्वति काःगु खः ।


ज्याझ्वःया झ्वलय् नेपालय् भुखाय् ब्वःगु इलय् ग्वाहालि यानाबिज्याःपिं थाइल्यान्डया भन्तेपिंत ह्युमत त्वाःया च्याम्ह थाकाुली व पुचःया छ्याञ्जे मचानानी महर्जनं सुभाय् पौ नं देछाःगु खः ।

 

 

 

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.