All for Joomla All for Webmasters

ने.सं. ११३६ यंलागा अष्टमी

ज्वेल्सं एटिएम सुविधा बीगु


ज्वेल्स बचत तथा ऋण सहकारी संस्थाया न्हय्क्वःगु साधारण सभा शनिवाः क्वचाल । पुलांम्ह मन्त्री बुद्धिराज वज्राचार्य मूपाहाँ कथं झायादीगु सभाय् संस्थाया नायः किरण भाई वज्राचार्य वार्षिक प्रतिवेदन, लेखा सुपरीवेक्षण समितिया संयोजक धु्रवकुमार कसजुं सुपरीवेक्षण प्रतिवेदन, कोषाध्यक्ष प्रज्ञारत्न शाक्यं लेखा प्रतिवेदन न्ह्यब्वयादीगु खः ।

न्हय्दँ न्ह्यव संचालनय् वःगु ज्वेल्स सहकारीइ थौंकन्हय् निक्षेप जक ३७ करोड ५ लाख ४४ हजार थ्यनेधुंकूगु दुसा त्यासा लगानी ३२ करोड ३० लाख १२ हजार दु । संस्थाया पुँजी १ करोड ५५ लाख ४३ हजार थ्यनेधुंकूगु दु ।

वार्षिक प्रगति प्रतिवेदन न्ह्यब्वयादिसें संस्थाया अध्यक्ष वज्राचार्यं संस्थां सदस्यतय् सुविधाया निंतिं याकनं हे एटिएम सेवा, रेमिट्यान्स सेवा, महसुल भुक्तानी सेवा नं सुरु यायेत्यनागु खँ कनादिल । लिसें संस्थां सदस्यतय् विदेश चाःहिउवनेगु निंतिं इएमआई प्रणालीं ध्यबा पुलेगु कथं त्यासा बिइगु तयारी नं यानाच्वंगु खँ कनादीगु खः ।

ज्याझ्वलय् संस्थाया जंक्व यायेधुंकूपिं खुम्ह ज्याथपिं सदस्यपिंत दोसल्लां न्ययेकाः हंगु खः । अथेहे थुगुसी एसएलसी पास जूपिं संस्थाया दुजःपिनि झिंखुम्ह मस्तय्त नं सम्मान याःगु खः । अथेहे सुनचाँदी व्यवसायी संघ यलय् निर्वाचित जूपिं न्हूपिं पदाधिकारीपिंत नं मूपाहाँ बुद्धिराज वज्राचार्य व पाहाँ तीर्थमान शाक्यं हनादीगु खः ।

 

 

 

 

 

 

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.