All for Joomla All for Webmasters

ने.सं. ११३६ यंलागा अष्टमी

कलात्मक म्हपुजा मन्दः च्वयेगु तालिम

स्वन्ति नखतय् म्हपुजा कुन्हु थाइगु कलात्मक मन्दः च्वयेगु तालिम शुरु जूगु दु । नेवाः स्यनेकुथिया ग्वसालय् थ्व मन्दः च्वयेगु तालिम जूगु खः । थुकी छुं नं कथंया थासा मछ्यसे ल्हातं हे म्हपुजा मन्दः च्वयेगु स्यनेज्या जुइगु खँ स्यनेकुथिया हामा लिसें प्रशिक्षक रुबिन शाक्यं कनादिल ।


वय्कलं कनादी कथं थुकी मन्दः च्वयेगु जक मखुसें मन्दःया सैद्धान्तिक, दार्शनिक व सांस्कृतिक महत्वया बारे नं स्यनेकने जुइ ।


च्यान्हुयंकं जुइगु थ्व मन्दः च्वज्या प्रशिक्षणय् माःगु हलंज्वलंत नं ग्वसाः खलकं हे बीगु व्यवस्था यानातःगु खः । थुकी थौंकन्हय् झिम्ह प्रशिक्षार्थीतय्सं ब्वति कयाच्वंगु दु ।
यलय् न्हूदँया लसताय् दँय्दसं मन्दः च्वयेगु कासा नं जुया वयाच्वंगु दु ।


नेवाः स्यनेकुथिया ग्वसालय् थ्वहे न्हूदँया लसताय् नेपाल संवत्या बारे न्वचु कासा नं याइगु ग्वसाः जुयाच्वंगु खँ सीदुगु दु । अथे हे न्हूदँय् नेपाल लिपियात व्यापक रुपं छ्यलाबुलाय् हयेगु ताः तयाः नेपाल लिपि स्यनेगु विशेष कक्षा नं सञ्चालन यायेत्यंगु दु ।

Rate this item
(1 Vote)
Login to post comments
Go to top

Copyright © 2016  nepalbhasa.com. All rights reserved.