All for Joomla All for Webmasters

ने.सं. ११३६ यंलागा अष्टमी

नेपाल उद्योग वाणिज्य महासंघय् वरिष्ठ उपाध्यक्ष स्वतः अध्यक्ष जुइगु

नेपाल उद्योग वाणिज्य महासंघय् वरिष्ठ उपाध्यक्ष स्वतः अध्यक्ष जुइगु bizmandu

नेपाल उद्योग वाणिज्य महासंघया म्हिगः जूगु विशेष साधारण सभां न्हूगु विधान पारित याःगु दु । थ्व विधान पारित जुइगु थौंकन्हय् वरिष्ठ उपाध्यक्ष जुयाच्वंम्ह भवानी राणा मेगु पालय् स्वतः अध्यक्ष जुइगु जूगु दु ।
विशेष साधारण सभां महासंघया विधान २०४९यात संशोधन यानाः वरिष्ठ उपाध्यक्ष लिपा स्वतः अध्यक्ष जुइगु प्रावधान तःगु खः । थ्व विधान तुरुन्त कार्यान्वयनय् यंकीगु जूगुलिं मय्जु रानायात वइगु चैत २६ गते जुइगु साधारण सभां स्वतः अध्यक्ष जुइगु लँ चाःगु खः ।

विशेष सभां पातिर याःगु संशोधित विधान प्रमाणीकरणया निंतिं तुरुन्त हे जिल्ला प्रशासन कार्यालय छ्वयेगु खँ महासंघया अध्यक्ष पशुपति मुरारकां धयादीगु दु ।
म्हिगः जूगु सभाय् अप्वः दुजःत विधान संशोधनया पक्षय् दुगुलिं ध्वनि मतं हे विधान पारित याःगु खः । थ्व संशोधनयात पुलांपिं अध्यक्षतय्सं धाःसा अस्वीकार याना वयाच्वंगु खः । पुलांपिं खुम्ह अध्यक्षतय्सं म्हिगः छगू वक्तव्य हे पिकया थःपिंसं विशेष साधारण सभा बहिष्कार यायेगु धाःगु खः । पुलांपिं अध्यक्ष महेशलाल प्रधान, पद्मज्योति, आनन्दराज मुल्मी, प्रदीपकुमार श्रेष्ठ, विनोदबहादुर श्रेष्ठ व कुशकुमार जोशीं वक्तव्य पिकयाः विशेष साधारण सभाय् थःपिंत मसःतू धासें सभा बहिष्कार याःगु खः ।

महासंघं धाःसा वय्कःपिंत निमन्त्रणा बियागु खँ धाःगु दु । विशेष साधारण सभाय् पुलांपिं अध्यक्षतय् मतदान अधिकार धाःसा मदु ।
संशोधित विधान कथं आः उपाध्यक्षया निंतिं धाःसा प्रत्यक्ष रुपं मतदान जुइगु जूगु दु । न्हापा निर्वाचनपाखें अध्यक्ष, स्वम्ह उपाध्यक्ष व कार्यसमिति जक ल्ययाः कार्यसमितिया दुजःपाखें छम्हेसित वरिष्ठ उपाध्यक्ष ल्ययेगु याना वयाच्वंगु खः ।

संशोधित विधान कथं आवंलि अध्यक्षया थासय् वरिष्ठ उपाध्यक्षया निंतिं धेंधेंबल्लाः जुइगु जूगु दु । संशोधित विधान कथं महासंघया संरचनाय् नं हिउपाः वइगु जूगु दु । आवंलिं देय्या संघीय ढाँचा कथं प्रदेश प्रमुख नं ल्ययेगु व्यवस्था तःगु दु । प्रदेश प्रमुख सम्बन्धित प्रदेशयापिंसं हे ल्ययेगु याइ । अथेहे अञ्चल प्रतिनिधि व क्षेत्रीय सदस्य खारेज जूगु दु ।

थुकिया लिसें केन्द्रीय कार्यकारिणी समिति नं न्याम्ह थप यानाः ७१ म्ह दयेकूगु दु । कार्यकारिणी समितिइ निर्वाचित जूम्ह मध्ये छम्हेसित कोषाध्यक्ष दयेकीगु जूगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.