All for Joomla All for Webmasters

ने.सं. ११३६ यंलागा अष्टमी

थिमिया खाँ जात्रा (फोटो फिचर)

थिमिया खाँ जात्रा (फोटो फिचर) रत्न श्रेष्ठ, रासस

मोहनिया झ्वलय् थिमिइ हनीगु खाँ जात्रा म्हिगः बुधवाः क्वचाल । नलास्वने चःह्रे कुन्हु थिमिया लाय्कुलिइ च्वंगु तलेजुइ नलाः स्वां तयाः सुरु जुइगु थ्व जात्रा चालंया कन्हय्कुन्हु एकादशीबलय् पायाः पिहां वयेथें खडग ज्वनाः पिहां वयाः भुइफसि पालाः जात्रा क्वचायेकूगु खः ।


थ्व जात्राया झ्वलय् फुलपातीकुन्हु सिद्धकाली द्यःयाथासं पुजा हयाः तलेजुइ दुत हयेवं नवमी कुन्हु म्येय् व दुगु बलि बिइ । नवमी कुन्हु कोतय् बलि बिइगु म्येया छ्यं व दशमि कुन्हु निसें पुज्यानातःगु भुइफसियात बाजं थानाः लाय्कलिं दिगुभैरव चाःहिकाः बालकुमारीइ हःगु खः ।


एकादशी कुन्हु स्वम्ह पःमाः (थकाली), बाजं थाइपिं कुस्ले, कपाली, ख्वाःपाः पुनाः खडग ज्वनीपिं व स्वामाः ज्वनीपिं कुटु, काहा पुइपिं, राजदण्ड ज्वनीपिं नाइके, राजोपाध्याय जानाः जात्रा हंगु खः । बाजं थानाः लाय्कुलिं हःगु भुयुफसियात बालकुमारी न्ह्यःने कर्माचार्यपाखें पुजयये धुंकाः पःमाःपाखें भुइुफसि पाःगु खः । जात्राय् पालीगु भुयुफसिया कुचाः छेँय् यंकल धाःसा छेँय् सुख शान्ति जुइगु जनविश्वास दु ।

 

 

 

 

 

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.