All for Joomla All for Webmasters

ने.सं. ११३६ यंलागा अष्टमी

ख्वपय् थौं निगू साहित्य सम्मेलन

ख्वपय् दँय्दसँ न्यायेका वयाच्वंगु निगू साहित्य सम्मेलन विराट नेपालभाषा साहित्य सम्मेलन व नेपालभाषा साहित्य तःमुँज्या थौं जूवनाच्वंगु दु ।
विराट नेपालभाषा साहित्य सम्मेलन थौं न्हिनसिया १ ताः इलय् अजिमा पार्टी प्यालेस बाराहीस्थान, सूर्यविनायाकय् जुइ । विराटया ज्याझ्वलय् साहित्यकार डा. योगेन्द्र प्रधानयात मूपाहाकथं ब्वनातःगु दुसा नेपालभाषा साहित्य तःमुँज्याय् नेपाल मजदुर किसान पार्टीया अध्यक्ष नारायणमान विजुक्छेँयात मूपाहां कथं ब्वनातःगु दु । निन्हुयंकं जुइगु तःमुँज्या भार्वाचोय् जुइ ।
न्हापा निन्हुयंकं जुया वयाच्वंगु विराटया ज्याझ्वः थुगुसी छन्हु जक जुइ । थगुने विराटं छगू विशेष साधारणसभा यानाः विराट सम्मेलन छन्हु जक यायेगु निर्णय याःगु खःसा खःसा थुगुसी नं न्हापां जुयाच्वंगु निर्णयकथं छन्हु जक याइगु व आकिवं निसें निन्हुयंकं यायेगु विराटया नायः कृष्णभक्त बोडें ‘नेपालभाषा टाइम्स’ अनलाइनयात कनादिल । विराट सम्मेलन न्यय्न्याक्वःगु खःसा तःमुँज्या स्वीखुक्वःगु खः ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.