All for Joomla All for Webmasters

ने.सं. ११३६ यंलागा अष्टमी

खोनाय् सिकाली जात्रा (लिसें किपा)

खोनाय् सिकाली जात्रा  (लिसें किपा) किपा- रेखा शाक्य/नेपालभाषा टाइम्स

यलया खोनाय् शुक्रवाः सिकाली द्यः प्याखं पिहांबिज्यात । खोनाया सिकाली ख्यलं द्यः पिहांबिज्याकूगु खः । दँय्दसं मोहनिया कौलाथ्व तृतीया निसें न्ह्याइगु जात्राया झ्वलय् षष्ठीकुन्हु सिकाली द्यः पिहांबिज्याइगु खः । सिकाली जात्राय् झिंखुम्ह द्यःगण ख्वाःपाः पुयाः पिहांबिज्याइगु खः ।
देन्यंकं मोहनि नखः न्याकूसां खोनाय् धाःसा सिकाली जात्रा जुइगुलिं मोहनि नखः हनी मखु । थ्व जात्रा स्वस्थानी बाखंया आधारय् हना धाइ । थ्व जात्रा जुजु अमर मल्लया पालं निसें सुरु जूगु विश्वास यानातःगु दु ।


सिकाली जात्राय् मू कथं रुद्रयणी (सिकाली), भैरव व बालकुमारीया पुजा जुइ । जात्राय् गणेश, ब्रह्मा, वैष्णवी, महाद्यः, कलःज्वं (करुणामय), इन्द्रयणी, बज्रबाराही, महालक्ष्मी, नात्येश्वर, कारकाइ, अजिमा, सिंहिणी, ब्याघ्रिणी द्यः पिहां बिज्याइ ।


किवंदन्ति कथं न्हापा न्हापा छथ्वः खुँतय्सं रुद्रायणी द्यः खुयायंकूगु जुयाच्वन । द्यः खुयाः देसं पिहां वनाच्वंगु इलय् आकाझाकां ग्वंगः हालाहल । ग्वंगः हालेवं खुँतय्सं सुथय् जुल, पिहां वःपिं मनूतय्सं खनी धकाः द्यःयात लाभाबुँइ वांछ्वया वन । लिपा खुयायंकूम्ह द्यःयात लाभा बुँइ लुइकल । अले थन हे (थौंकन्हय्या सिकाली ख्यः) द्यः पलिस्था यानाबिल । थन द्यः पलिस्था यायेधुंकाः खोनाय् तसकं उन्नति जुल । उकिं स्थानीयपिंसं सिकाली द्यःया जात्रा सुरु यात ।
ग्वंगः हाःगुलिं द्यः खुयायंके मफुगु, लाभा बुँइ द्यः वांछ्वयातःगु जूगुलिं थौंतक नं खोनाय् च्वंपिंसं खाया ला नइमखु ।

 

 

 

 

 

 

 

 

 

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.