All for Joomla All for Webmasters

ने.सं. ११३६ यंलागा अष्टमी

गोरखां फूलपाती हयेगु दिकेत सुझाव

संघीय समाजवादी फोरमया कार्यवाहक अध्यक्ष लिसें नेवाः न्ह्यलुवा राजेन्द्र श्रेष्ठं मोहनिया इलय् गोरखां येँय् फूलपाती हयेगु ज्या आः बन्द यायेमाःगु सुझाव बियादीगु दु । म्हिगः प्रधानमन्त्री पुष्पकमल दाहालयात नापलानाः खँ ल्हायेगु झ्वलय् वय्कलं थ्व सुझाव बियादीगु खः ।


येँदेय् व थनया आदिवासीयात सांस्कृतिक उपनिवेश दयेकेगु उद्देश्यं शाहवंशीय जुजुपिंसं थःगु कुलछेँ गोरखाया फूलपातीयात राजकीय सम्मान बियाः येँय् हयेगु यानाच्वंगु खः, तर आः शाहवंशीय राजतन्त्रया अन्त जुइधुंकूगु कारणं उमिगु कुलछेँया फूलपातीयात राजकीय सम्मान बियाः येँय् हयाच्वनेमाःगु आवश्यकता मदु धइगु बिचाः तयादीगु खः । प्रधानमन्त्री दाहालं उकिया बारे सहलह यानाः निर्णय यायेगु बचं बियादीगु खँ भाजु श्रेष्ठं कनादिल ।


सहलहया झ्वलय् नेता श्रेष्ठं आः संविधान संशोधन जुइबलय् पहिचान सहितया संघीय व्यवस्था हयेगुपाखे सरकारया ध्यान वनेमाःगु व आदिवासी जनजातियात नं पहिचान सहितया राज्य बीगु खःसा १० वा ११ प्रदेश दुगु संघीय प्रणालीइ हे वनेमाःगु सुझाव नं बियादीगु खः ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.