All for Joomla All for Webmasters

ने.सं. ११३६ यंलागा अष्टमी

पचलि जात्राया ज्याझ्वः सार्वजनिक

पचलि जात्राया ज्याझ्वः सार्वजनिक किपा- रेखा शाक्य/नेपालभाषा टाइम्स

श्री पचली भैरव जात्रा व्यवस्थापन उपकमिटीं पचिमह्रःबलय् जुइगु पचलि भैरव जात्राया ज्याझ्वः धलः सार्वजनिक याःगु दु  । सोमवाः छगू भेला यासें उपकमिटीं बिउगु जानकारी कथं कन्हय् बुधवाः चौथि कुन्हु न्हिनय् ३ ताःइलय् क्वंचा द्यःयात पुंथासं थकूजुजुयाथाय् बिज्याकेगु, अनं पुजा फयेधुंकाः थकूजुजुथासं द्यः ल्ह्वनाः झासु फल्चा थ्यंकेगु व च्याताः इलय् झासु फल्चां द्यःयात गमय् तइगु जूगु दु ।

अथेहे पञ्चमि कुन्हु सुथय् ९ ताः इलय् ता छुइगु, १० ताः इलय् ताः कसे यायेगु व सनिलया ५ ताः इलं निसें मू जात्रा जुइगु खँ धाःगु दु ।
सांसद ध्यानगोविन्द रंजित मूपाहां कथं झायादीगु भेलाय् दांभरि नानीकाजी डंगोलं जात्राया निंतिं येँ महानगरपालिका पाखें चय्द्वः तका, सांसद विकास कोषपाखें न्यय्द्वः तका व पुलांम्ह राज्यमन्त्री तिर्थराम डंगोलपाखें न्याद्वः तका ग्वाहालि वःगु जानकारी नं बिउगु खः ।

भेलाय् पुलांम्ह राज्यमन्त्री डंगोल, २१ वडाया पुलांम्ह अध्यक्ष विद्यासुन्दर शाक्यलिसें जात्राया सरोकारवालापिं पचली भैरव गुथिया थकालि द्यःसिं महर्जन, पचलि भैरव संरक्षण समितिया मू छ्यांज्ये ओमलाल श्रेष्ठ, इन्द्रजात्रा व्यवस्थापन समितिया नायः गौतम शाक्य, पचलि भैरव जात्रा व्यवस्थापन संयोजक बालकृष्ण महर्जन, रुद्रविनायक गुथिया विनोद शाहीपिनि उपस्थिति दुगु खः ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.