All for Joomla All for Webmasters

ने.सं. ११३६ यंलागा अष्टमी

स्वदेशी इको प्यानल छ्यलेमाःगु खँय् जोड

सरकारं स्वदेशी इको प्यानल छ्यलेगु निंतिं विशेष रुपं बः बिइगु जूगु दु । नेपालय् न्हापांखुसी इको प्यानल उत्पादन याइगु इन्टरनेशनल ग्रीन डेभलपर्स नेपाल प्रा.लि.या अवलोकन लिपा सहरी विकास मन्त्रालयया सचिव दीपेन्द्रनाथ शर्मां भुखाय् लिपाया पुनःनिर्माणय् स्वदेशी इको प्यानलयात विशेष रुपं प्रयोग यायेमाःगु खँ धयादीगु खः ।

ख्वपया जगाती हनुमानचास्थित नेपालय् न्हापांखुसी उत्पादन जूगु इन्टरनेशनल ग्रीन डेभलपर्सया गोरखा इको प्यानलया अवलोकन लिपा सरकारी अधिकारीतय्सं स्वदेशी निर्माण सामाग्रीयात उत्पादनयात तिबः बीमाःगु खँय् बः बियादीगु खः ।
उगु इलय् मन्त्रालयया सहसचिव शिवहरी शर्मा, सहरी विकास विभागया महानिर्देशक रमेशप्रसाद सिंह लगायत छगू स्वयां अप्वः सहरी विकासलिसें सम्बन्धित अधिकारीतय्सं इको प्यानल उत्पादन याइगु कारखानाया अवलोकन यानादीगु खः ।


उगु इलय् गोरखा इको प्यानलया प्रमुख कार्यकारी अधिकृत कृष्णभक्त दुवालं कम्पनीया विशेषता बारे जानकारी बियादीगु खः । इको प्यानल भुखाय् प्रतिरोधी जक मखसे फायर प्रुफ, साउन्ड प्रुफ नं जूगु जानकार बियादीगु खः । नेपाःया भूबनोटया ल्याखं दक्वं थासय् उपयुक्त जूसां दकलय् अप्वः पहाडी लागाया निंतिं उपयुक्त जूगु दवालं कनादिल ।

थुकिया प्रयोगं पिनेया क्वाजः व ख्वाउँ दुने वयेके मबीगु नापं प्यघौतक फायर प्रुफ अर्थात मि प्रतिरोधात्मक जूगु नं वय्कलं धयादीगु दु । १००० डिग्री सेल्सियस तकया मिया क्वाःजःयात नं फये फुगु नापं साउन्ड प्रुफ नं जूगु वय्कःया धापू दु ।
वातावरण मैत्री इको प्यानलयात मनूतय्सं अस्थायी छेँ निर्माण यायेत जक छ्यली धइगु गलत रुपं थुइकेगु यानाच्वंगु धासें ७० दँ तकया वारेन्टी दुगु दावी यानादिल ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.