All for Joomla All for Webmasters

ने.सं. ११३६ यंलागा अष्टमी

इमाडोलय् ग्याँस मालेगु ज्या तीव्र

थुइगु ग्याँसया खानी येँय् हे दु धकाः आपालं विज्ञतय्सं धायेगु याःसां नेपालं धाःसा उकियात वास्ता मयानाच्वंगु खः । तर आः धाःसा यलया इमाडोलय् ताःई न्ह्यवंनिसें चर्चाय् वयाच्वंगु ग्याँसया सम्भावित खानीइ उत्खनन शुरु याःगु दु ।
उद्योग मन्त्रालय अन्तर्गत लाःगु खानी तथा भूगर्भ विभागं इमाडोलया उगु लागाय् मिथेन ग्याँस दयेमाः धइगु अनुमान यासें उत्खनन शुरु याःगु खः । थन विभागं निदँ न्ह्यवंनिसें ड्रिलिङ यानाच्वंगु खःसां आः उकियात तीव्र ढंगं न्ह्यःने न्ह्याकूगु दु ।

थ्व थासय् ग्याँस लुया वल धाःसा उकियात स्टोरेज यानाः तयेगु लागिं प्लान्ट व ग्याँस च्याम्बर समेत दयेकेगु ज्या नं जुयाच्वंगु खँ सीदुगु दु ।
उगु थासय् आः परीक्षणया रुपय् चीधंगु प्लान्ट निं तयाः ग्याँस पिकायेगु ज्या जुइ धाःगु दु । यदि अनं प्रयोग याये फइगु ग्याँस पिहां वल धाःसा उकियात भण्डारण यानाः इमाडोल जःखः च्वंगु सरकारी ज्याकुथी वितरण यायेगु ग्वयाः यानाच्वंगु दु । वयां लिपा नं ग्याँस दया वल धाःसा

पूर्व प्रधानमन्त्री केपी ओलीं धाः थें धाथें हे स्थानीय जनताया छेँय् छेँय् पाइप तयाः ग्याँस वितरण यायेगु बिचाः जुयाच्वंगु खँ विभागं धाःगु दु । स्वनिगःया १४ गू थासय् ग्याँस खानी दुगु अनुमान यानातःगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.