All for Joomla All for Webmasters

ने.सं. ११३६ यंलागा अष्टमी

एकेदमिया नेपालभाषा काव्य परिचर्चा


नेपालभाषा काव्य विधा बारे नेपालभाषा एकेदमिं काव्य परिचर्चा ज्याझ्वः यात । नेपालभाषा केन्द्रीय विभागया हलय् याःगु उगु ज्याझ्वलय् मू प्रवचक कथं डा. वंशी श्रेष्ठं थःगु बिचाः तयादीगु खः ।
नेपालभाषा काव्य बारे न्ववासें वय्कलं नेपालभाषाया आपालं कविताय् थःगु मौलिक स्वयां नं पिने पिनेया ‘मीथ’ अप्वः छ्यलातःगु खनेदु धयादिल । कविताय् नेवाः परिवेशया नापनापं नेपाः दुनेया हे मेमेगु समाजया यथार्थयात नं चित्रण यायेमाःगु बिचाः वय्कलं प्वंकादिल ।
एकेदमिया काव्य विभाग कजि डा. पुष्पराज राजकर्णिकारं सहजीकरण यानादीगु उगु ज्याझ्वलय् सहभागीपाखें नं थःगु जिज्ञासा व न्ह्यसः तयेगु ज्या जूगु खःसा उकियात डा. श्रेष्ठं लिसः बियादीगु खः । ज्याझ्वलय् नेपालभाषा एकेदमिया चान्सलर चित्तरंजन नेपाली, पुलांम्ह चान्सलर सत्यमोहन जोशी, सदस्य सचिव मल्ल के. सुन्दर लिसें नेपालभाषा साहित्यया आपालं वरिष्ठ व न्हूपिं साहित्यकारपिनि उपस्थिति दुगु खः ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.