All for Joomla All for Webmasters

ने.सं. ११३६ यंलागा अष्टमी

भारत–पाकिस्तान जीका भाइरसय् संवेदनशील देय्

लन्दन वैज्ञानिकतय्सं भारत, पाकिस्तान व नाइजेरिया थेंज्याःगु देशय् जीका भाइरसया संक्रमणया तःधंगु खतरा दुगु खँ धाःगु दु । जीका सम्बन्धी शोध यानाच्वंगु लन्दन स्कूल अफ हाइजीन एण्ड ट्रपिकल मेडिसिन, अक्सफोर्ड युनिभर्सिटी व युनिभर्सिटी अफ टोरन्टोया वैज्ञानिकतय्सं धाःगु दु, ‘छगू तःधंगु जनसंख्या थज्याःगु वातावरणय् च्वनाच्वंगु दु, गन थ्व भाइरसया रोकथाम, थुकियात पत्ता लगे यायेगु व उपचार यायेगु तसकं थाकुगु ज्या जुइ ।’

वैज्ञानिकतय्सं थ्व तथ्यांक हवाइ यात्रा याइपिनि तथ्यांकया आधारय् पिकाःगु खः । वैज्ञानिकतय्सं फिलिपिन्स, भियतनाम, बंगलादेश नं जीका भाइरसया निंतिं अतिसंवेदनशील देय् धकाः धाःगु दु । थुपिं देसय् स्वास्थ्य सेवा सीमित जक दुगुलिं नं अतिसंवेदनशील देय्या धलखय् तःगु खः । सेन्ट माइकल हस्पिटल टोरन्टोया डा. कामरान खानं धाःगु दु, ‘जीकाया प्रभाव थ्व खँय् निर्भर जुइ कि उगु देशय् विरामीया परीक्षण गुलि याकनं जुइ ।’


वय्कलं धयादीगु दु, ‘जिमिसं यानागु शोध आम नागकिरतय् निंतिं महत्वपूर्ण जुइ । थ्व रिपोर्टं जीकाया मामिलाय् स्थानीय स्तर, राष्ट्रिय स्तर व अन्तर्राष्ट्रिय स्तरय् ईया संवेदनशीलतायात थुइकाः थ्व ल्वय्या जाँच यानाः ल्वगि पत्ता लगे यायेगु व उपचार यायेगुलिइ यक्व ग्वाहालि याइ ।’

 

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.