All for Joomla All for Webmasters

ने.सं. ११३६ यंलागा अष्टमी

प्रि–फ्याब प्यानल जडान तालिम

गोरखा इको प्यानल, ख्वपं प्यानल जडान बारे तालिम बिउगु दु । नेपालय् न्हापांखुसी उत्पादन याःगु गोरखा इको प्यानलं उगु जडान तालिम बिउगु खः ।
इको प्यानलपाखें उत्पादित प्रि–फ्याबं छेँ व भवन निर्माणया निंतिं इच्छुकतय् ल्याः अप्वयेवं उकियात ध्यानय् तयाः उकथंया तालिम बिउगु खः । प्यानलपाखें छेँ व भवन दयेकेत आवश्यक प्यानल जडान याइपिं दक्ष जनशक्ति उत्पादन यायेत बिउगु तालिम बुधवाः क्वचाःगु खः ।


ख्वपया यालाछेँस्थित श्री शारदा उच्च माविया न्हूगु भवनय् पार्टिसन ट्वाइलेट दयेकेगु ज्याय् ‘अन द जब’ तालिम बिउगु खः । थ्व स्वयां न्ह्यः प्यानल जडानय् ज्या याये इच्छुक दँकःमिपिं दक्ष दयेकेत सैद्धान्तिक तालिम बिउगु खः ।
सैद्धान्तिक तालिम लिपा व्यवहारिक तालिम बीगु ज्या जूगु इको प्यानलया प्रमुख कार्यकारी अधिकृत कृष्णभक्त दुवालं कनादीगु दु ।


तालिमय् छम्ह मिसालिसें झिम्हेसिया सहभागिता दुगु खःसा भविष्यय् नं थुकथंया तालिम बिया वनेगु योजना दुगु प्रमुख कार्यकारी अधिकृत दुवालं कनादीगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.