All for Joomla All for Webmasters

ने.सं. ११३६ यंलागा अष्टमी

एकदिवसीय कासाय् इंग्ल्यान्डया ४४४ रन, न्हूगु कीर्तिमान

नटिङ्गघम÷ इंग्ल्यान्डं एकदिवसीय क्रिकेट ४४४ रन थ्वानाः न्हूगु कीर्तिमान कायम याःगु दु । पाकिस्तानविरुद्ध नटिङ्गघमय् जुयाच्वंगु एकदिवसीय श्रृंखलाया स्वंगूगु एकदिवसीय कासाय् ४४४ रन थ्वानाः इंग्ल्यान्डं थ्व श्रृंखला नं त्याकूगु दु । न्यागू एकदिवसीय कासाया श्रृंखलाय् इंग्ल्यान्डं थुगु कासा १६९ रनं त्याकाः ३–० श्रृंखला त्याकूगु खः ।
इंग्ल्यान्डयात कीर्तिमान विजय चूलाकेगु झ्वलय् एलेक्स हेल्सं नं १७१ रन थ्वानाः एकदिवसीय कासाय् दकलय् अप्वः रन थ्वाःम्ह इंग्लिस कासामिया कीर्तिमान नं तःगु खः । वं १२२ बलय् २२ चौका व प्यंगू छक्का थ्वानाः १७१ रन दयेकूगु खः ।
इंग्ल्यान्डं स्वंगू विकेटया क्षतिइ ५० ओभरय् ४४४ रन दयेकूगु खः । थ्वयां न्ह्यः सन् २००६ य् श्रीलंकां ४४३ रनया कीर्तिमान कायम यानातःगु खः ।


मेखे पाकिस्तानं धाःसा थ्व कासाय् ४२.४ ओभरय् मुक्कं २७५ रन दयेकाः अलआउट जूगु खः ।
टेन्ट ब्रिजलय् जूगु थ्व कासाय् जेस बटलर २२ बलय् अर्धसतक पूवंकुसें दकलय् याकनं अर्थशतक थ्वाःम्ह इंग्लिस कासामि जूगु दु । वं न्हय्गू चौका व न्हय्गू छक्काया ग्वाहालिं ९० रन दयेकूगु खः ।


पाकिस्तानया निंतिं वहाब रियाज थ्व कासाय् खलनायक सावित जुल । वं छगू हे विकेट मकासे ११० रन खर्च याःगु खः । एकदिवसीय कासाय् दकलय् अप्वः रन बिउम्ह रियाज निम्हम्ह बलर जूगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.