All for Joomla All for Webmasters

ने.सं. ११३६ यंलागा अष्टमी

ब्रह्म स्पोर्ट क्लबया लु बुन्हि

ब्रह्म स्पोर्ट क्लबया लु बुन्हि किपा- रेखा शाक्य

येँया ब्रह्म स्पोर्टस् क्लबया लुँ बुन्हि थीथी ज्याझ्वः यासें हंगु दु । शनिवाः छगू ज्याझ्वःया दथुइ बह्म स्मारिक विमोचन, स्वर्ण जयन्ती २०७३ स्मृति निष्कासन, साँस्कृतिक ज्याझ्वःया लिसें नांजाःम्ह जेष्ठ नागरिक संस्कृतिविद् सत्यमोहन जोशी व राष्ट्रकवि माधवप्रसाद घिमिरेयात दोसल्लां न्ययेकाः हनेज्या याःगु दु ।
    स्मारिक विमोचन मूपाहाँ ध्यान गोविन्द रंजित, विशेष पाहाँपिं संस्कृतिविद् सत्यमोहन जोशी व राष्ट्रकवि माधव घिमिरे, पाहाँ पुरातत्व विभागया महानिर्देशक भेषनारायण दाहालं यानादीगु खः । अथेहे ज्येष्ठ नागरिकपिं जोशी व घिमिरेयात म्हतिं १७ हजार ७७७ तका दां सहित दोसल्लां न्ययेकाः सम्मान याःगु खः ।
    ज्याझ्वलय्  मञ्जुश्री चर्या प्याखं, कुमारी प्याखंया लिसें म्येँ, बाँसुरी धुन नं न्ह्यब्वःगु खः ।
नेपाःया नक्सां स्वांमां क्वखायेकाः सुरु जूगु ज्याझ्वलय् क्लबया उपाध्यक्ष सगुनमान श्रेष्ठं लसकुस यानादीगु खःसा सल्लाहकार व पुलांम्ह अध्यक्ष सानुकाजी वज्राचार्य क्लब बारे जानकारी बियादीगु खः ।
क्लबया अध्यक्ष ज्ञानीबाबु सिंहया सभापतित्वय् जूगु ज्याझ्वलय् मू पाहाँ रंजित, पुरातत्व विभागया महानिर्देशक व क्लबया सल्लाहकार भेषनारायण दाहाल, संस्कृतिविद् जोशी, राष्ट्रकवि घिमिरेपिंसं न्ववानादीगु खः ।

 

 

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.