All for Joomla All for Webmasters

ने.सं. ११३६ यंलागा अष्टमी

मनूया प्वाथय् ४० पु चक्कु

न्हूदिल्ली छम्ह मनूया प्वाथं अपरेशन यानाः ४० पु चक्कु लिकाःगु दु । अपरेशन याःपिं चिकित्सकतय्सं धाःकथं उम्ह मनुखं थ्व चक्कु म्हुतुं घुतुकातःगु खः । प्वाथं पिकाःगु लथ्यायेजिउगु चक्कु मध्ये गुगुं लथ्यानातःगु खःसा गुगुं चायेकाः हे घुतुकातःगु खः ।
अपरेशन टिमया प्रमुख डा. जितेन्द्र मल्होत्रां सिएएनलिसे खँ ल्हासें धाmगु दु, ‘व मनूयाके धातु नयेगु ल्वय् हे दुगु जुयाच्वन । जिपिं थेंज्याःपिं अनुभवी चिकित्सकतय्त नं थ्व अपरेशनय् थारान्हुइका बिल ।’


‘जिपिं तसकं ‘नर्भस’ जुल, चिकिचाधंगु गल्तीं वया ज्यान वनेफुगु खः । जिगु २० वर्षया प्राक्टिसय् जिं थज्याःगु गब्लें मखना’ डा. मल्होत्रां धाःगु दु । वय्कःया कथं गुकथं अपरेशन यायेगु धयागु बारे चिकित्सक टिमयात सहलह यायेत हे निन्हु लगे जूगु खः ।
वंगु शुक्रवाः भारतया अमृतसर शहरय् न्याघौ बिकाः थ्व अपरेशन याःगु खः । अपरेशन पूवंक सफल जूगु दुसा छुं न्हि लिपा विरामी छेँय् लिहां वनेफइगु खँ चिकित्सकतय्सं धाःगु दु ।


डा. मल्होत्राया कथं उम्ह मनुखं घुतुकातःगु चक्कु ७ इञ्च तकया दु । वय्कःया चक्कु घुतुकूम्ह ४२ दँया निम्ह मचाया अबुयाके मानसिक ल्वय् दु, गुगु ल्वय् बारे आःतक छुं नं अन्तर्राष्ट्रिय जर्नलय् तकं पिदंगु मदुनि । व मनुखं चिकित्सकयात थःम्हं छाय् चक्कु नयेगु यानाग धयागु बारे थःम्हं हे मसिउ धाःगु दु । तर वयाके चक्कु सवाः काये यया वल, अले वं चक्कु नयेगु बानी हे यानाहल । तर व मनुखं थःगु बानी धाःसा थः परिवारपाखें सुचुका हे तःगु जुयाच्वन ।


‘आः व मनुखं थुकथं चक्कु मनयेगु बचं बिउगु दु । अले जिमिसं वयात सल्हा बियागु दु कि यदि वयात आइरनया आवश्यक दु थें ताःसा पलःचा तरकारि नः’ डा. मल्होत्रां धाःगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.