All for Joomla All for Webmasters

ने.सं. ११३६ यंलागा अष्टमी

निर्माण सामाग्री ब्वज्याय् नेपाली उत्पादन

भृकुटीमण्डपय् शुक्रवाः निसें सुरु जूगु निर्माण सामाग्री सम्बन्धी भवन निर्माण ब्वज्याय् नेपालय् उत्पादन जूगु प्रिफ्याबं स्वकुमितय् ध्यान सालाच्वंगु दु । नेपालय् न्हापांखुसी दयेकूगु गोरखा इको प्यानलया प्रिफ्याबबारे जानकारी कायेगु निंतिं स्वकुमितय् हुलमूल जुयाच्वंगु दु । थ्व प्रिफ्याब इन्टरनेशनल ग्रीन डेभलपर्स नेपाल प्रालिं ख्वपय् उत्पादन यानाच्वंगु दु । कम्पनीं फ्याक्ट्रिइ तयार यानाः निर्माणस्थलय् यंकाः फिट जक यायेगु कथंया थीथी सामग्री उत्पादन याना वयाच्वंगु दु ।


ब्वज्याय् सछि व न्यय्गू स्टलत तयातःगु दुसा दर्शकतय् विशेष ध्यान नेपालय् दयेकूगु ज्वलंपाखे हे वनाच्वंगु दु । छुं ई न्ह्यव भारतं याःगु अघोषित नाकाबन्दीं यानाः नं नेपाःमितय् ध्यान नेपाली उत्पादनपाखे हे वनाच्वंगु खँ धाःगु दु ।


गारखा इको प्यानलया प्रमुख कार्यकारी अधिकृत कृष्णभक्ता दुवालं ब्वज्या स्वःवःपिं स्वकुमितय् ध्यान थःपिनि उत्पादनय् जक मखुकि नेपाली उत्पादनय् वनाच्वंगु खँ कनादिल । ब्वज्याय् जग्गा व हाउजिङ्ग, फर्निचर व फर्निसिङ्ग, पाइप व फिटिङ्ग, स्टिल व डण्डी, बीमा कम्पनी, इलेक्ट्रिकल व इलेक्ट्रोनिक ज्वलंया कक्षत तयातःगु दु । ब्वज्याय् भुखाय् प्रतिरोधी छेँ दयेकेगु बारे जानकारी बीगु लिसे. भुखाय् प्रतिरोधी अप्पा नं ब्वयातःगु दृु ।


युथ कम्युनिटी फर नेप्लिज अन्टयाक्टसया ग्वसालय् जुयाच्वंगु थ्व ब्वज्या सोमवाः तक न्ह्याइ ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.