All for Joomla All for Webmasters

ने.सं. ११३६ यंलागा अष्टमी

चस्मावालतय् दुःख

चस्मावालतय् दुःख nagariknews.com

चस्मावालतय् यक्व दुःख दु । उमि दकलय् तःधंगुदुःख धइगु चस्मा लिकात कि मिखां मखनीगु दुःख खः ।
चस्मा तयाः लभ याये अःपु मजू । थ्व मेगु नुगःमछिनापुगु दुःख खः चस्मावालतय् ।


चस्मा तयाः किस् याये छिं मजू । थ्व उलि हे तःधंगु दुःख खः चस्मीतय् ।
चस्मा तयाः द्यनीपिनि म्हगसय् म्हनीमखु । थ्व थः हे कथंया दुःख खः चस्मा तये माःपिनि लागी ।


चस्मा तयाः ट्वाइलेट वनीपिनि कब्जियत जुइगु नं चानचुने दुःख मखु ।
चस्मा तयाः स्वीमिङ्ग याये मजिउ, ओलम्पिकय् भाग काये दइमखु । थ्व गुज्वःगु दुःख खः सुनानं थुइमखु ।


चस्मा तयाः मोमो नइबलय् मोमोया सवाः हे साइमखु । गुज्वःगु ट्राय्जडी चस्मावालतय् निंतिं ।
चस्मा तयाः थः यःम्हलिसे मिखा ल्वाकेफइमखु । गुज्वःगु दुखान्त खः थ्व ।


चस्मावालतय् चस्माया खाः तज्यात कि उमिगु बिजोग सुनानं स्वये फइमखु।
चस्माया खालय् धू थात कि चस्मावालतसें संसार छगुलिं बुलुह खनी । संसार छगुलिं खिउँसे च्वनी उमित । गुलि कन्नाचायापुगु दुःख थ्व ।


चस्मा तयाः क्वाःगु सूप त्वने फइमखु । ख्वाउँगु सपू त्वने साइमखु । थ्व कम दुःखया खँ मखु ।
लँय् चुलुयाः दलकि नेपाःया लँ खः, चस्मा तमज्याइ हे मखु । चस्मा तज्यात कि वं लँ हे खनीमखु । अहो, थुज्वःगु नं दुःख दये यः खनिं ।


चस्मा लिकाल कि मनू हे म्हसीमखु । थः यःम्ह थः ज्यानयात म्हसीके फइमखु वं । चस्मा तये माःपिं मनूतय् निंतिं थ्व अत्यन्त हे अनरोमान्टिक दुःख खः ।
तःभुखाय् ब्वयाः चस्मा चुंचुं जुइक तज्यात कि चस्मावालतय् छु गति जुइगु जुइ । बाम्हसी बाम्ह म्वाःथें जुइ उपिं । ह्वाता अ गो नि !


चस्माववालतसें माग्नीफाइंग ग्लास मदयेकं लभ लेटर नं ब्वने फइमखु । थ्व स्वयां तच्वःगु मेगु दmुख दइ ला ?
चस्मा तयाः चन्द्रलोक वा स्वर्गलोक वने मदु धइगु निशेधाज्ञा जारी जुयाच्वंगु दु। चस्मावालतय् निंतिं थुलिं अप्वः विजोग हरिविजोग मेगु छु जुइ । हरे चस्मावालतय् दुःख !..

Rate this item
(1 Vote)
Login to post comments
Go to top

Copyright © 2016  nepalbhasa.com. All rights reserved.