All for Joomla All for Webmasters

ने.सं. ११३६ यंलागा अष्टमी

इहिपा जुइला थें !

नेपालभाषाया संकिपाया इतिहासय् हिरो व हिरोइनया केमिष्ट्रि मिलय् जूगु संकिपा धइगु म्हिगः म्हीग तिनि रिलिज जूगु फिल्म ‘चतांमरि’ जूगु दु ।
फिल्मया शुरुंनिसें अन्त जक मखु, दथुइ दथुइ नं हिरो हिरोइनया स्वापू गनं हे चबूगु खनेमदु । चुपा नयेगु, किस नयेगु, किसमिस नयेगु, घय्घय् पुइगु सीन जायेक दुगुलिं जक मखु लाकि मेगु खनेदुगु व खनेमदुगु यक्व यक्व कारणं नं थ्व फिल्मय् हिरो हिरोइनया केमिस्ट्री कसिक मिले जुयाच्वंगु बांलाक हे खंकेफु ।


छगू दथु दृश्य अर्थात प्राइम सीनय् हिरो व हिरोइनं पाःलाक छक्वलं वसः त्वःगु धइगु उमि केमिस्ट्रि मिले जुयाः हे खः । वसः छाय् त्वल, छुकिया निंतिं त्वल व मेगु हे खँ जुल ।
फिल्मया नां चतांमरि जूगुलिं नं हिरो हिरोइन निम्हेसिया केमिस्ट्रि उलि बांलाक मिलय् जूगु जुयाच्वन धइगु फिल्म स्वःपिं सकसिनं छप्वाः म्हुतुं धयाथें धाःगु दु । फिल्मया नां चतांमरि मतसे कतांमरि तःगु जूसा फिल्म फ्लप जुइगु पक्का खः ।


हट् सीन, बेड् सीन, बाथ् सीन, स्वीम सीन, डान्स सीन, डेटिङ्ग सीन, हनिमून सीन, लभ सीन, सङ्ग सीन लगायत फुकं फुकं सीनय् हिरो व हिरोइनया केमिस्ट्रि मिले जूगुया जस फिल्मया डाइरेक्टरयात बीमाः धइगु जिगु क्वातुगु बिचाः दु ।
बक्स अफिसय् थ्व फिल्मं बलिउडया फिल्म सुल्तानयात नं माथ बिउगु दु । उखे सलमान खां व अनुस्का शर्माया केमिस्ट्रि स्वयाः झी हिरो भाजु जुजु पुं व हिरोइन मय्जु सिरि मायाया केमिस्ट्रि झिदुगं अप्वः मिले जूगु खँ मिखा तिसिनाः धायेफु ।


हिरो हिरोइनया जातः मिलय् जुइमाः, जोन मिलय् जुइमाः, हाइट मिलेय् जुइमाः, साइज मिलय् जुइमाः, डे«ेस मिलय् जुइमाः, रंग मिलय् जुइमाः, टेस्ट मिलय् जुइमाः, इन्टरेस्ट मिलय् जुइमाः, सोंख मिलय् जुइमाः, वास्तु मिलय् जुइमाः, डेट अफ बर्थ मिलय् जुइमाः, पार्टी मिलय् जुइमाः, लोकेसन मिलय् जुइमाः, लोगो मिलय् जुइमाः, दिशा मिलय् जुइमाः, ख्वाः मिलय् जुइमाः, प्वाः मिलय्, जुइमाः, त्वाः मिलय् जुइमाः, अले तिनि उमि केमिस्ट्रि मिलय् जुइगु खः । थ्व फुक मिलय् जुयाः हिरोहिरोइनया केमिस्ट्रि मिलय् जूगु धइगु प्रोड्युसर व बक्स अफिसया भाग्य मिलय् जूगुलिं नं खः, थुकी शंका हे मदु।


राजमति फिल्मया हिरो हिरोइनया इहिपा जू थें थ्व चतांमरि फिल्मया हिरो हिरोइनया ब्याहा जुइ लाकि जुइ मखु, स्वये हे मानि । अले तिनि हिरो हिरोइनया केमिस्ट्रि मिलय् जूगु सिद्ध जुइ ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.