All for Joomla All for Webmasters

ने.सं. ११३६ यंलागा अष्टमी

थ्रिस्टारया मंगोलियाय् अभ्यास सुरु

थ्रिस्टारया मंगोलियाय् अभ्यास सुरु किपा- एनएसजेएफ

एफसी कप प्लेअफ छनोट म्हितेत मंगोलियाय् थ्यनाच्वंगु थ्रीस्टार क्लबं बिहिवाः निसे. अभ्यास सुरु याःगु दु । बुधवाः उलानबटार थ्यंगु रुस्लान थ्रीस्टारं बिहिवाः निसें अभ्यास सुरु याःगु खः । थ्रीस्टारं मंगोलियन फुटबल फेडेरेसनया कृत्रिम मैदानय् अभ्यास यानाच्वंगु खः । ग्राउण्ड फिलिङ्गया निंतिं हल्का अभ्यास सुरु यानागु खँ प्रशिक्षक रविन्द्र सिलाकारं धयादीगु दु ।


मंगोलियाया मौसम झीथाय् स्वयां फरक जूगुलिं हल्का अभ्यास सुरु यानागु खँ प्रशिक्षक सिलाकारं धयादिल । नेपाःया लिग विजेता कथं एएफसी कप प्लेअफ छनोट म्हितःवंगु थ्रीस्टार टिमय् १९म्ह कासामि, छम्ह टिम म्यानेजर निम्ह प्रशिक्षक, छम्ह फिजियो व न्हय्म्ह अफिसियल लिसें ३१ म्हेसिया पुचः दु । थ्रीस्टारं प्रारम्भिक छनोटय् ग्वसाः देय् मंगोलियाया एर्चिम फुटबल क्लब व कम्बोडियाया नागवोल्र्ड फुटबल लिसे धेंधेंबल्लाः याइ ।


नेपाःया प्रतिनिधित्व यानाः एएफसी म्हितःवंगु रुस्लान थ्रीस्टार क्लब नेपाःया न्हापांगु टिम खः । क्लबं भदौ ५ य् समूह बी पाखें ग्वसाः देय्या एर्चिम क्लबलिसे मिहती । अथेहे ७ गते नागावोल्र्डलिसे म्हिती । स्वंगू समूह दुगु छनोट चरणय् स्वंगुलिं समूहया विजेता मेगु चरणय् दुहांवनी ।


छनोटय् म्हितीपिं कासामि ः एलेन न्यौपाने, बिनय श्रेष्ठ व अविशेक बराल गोलकिपर ।

रञ्जित धिमाल, देवेन्द्र तामाङ, पिटर सेगुन, विजय धिमाल, सरोज दाहाल, विष्णु सुनार डिफेन्डर ।

बिक्रम लामा, निराजन खड्का, प्रकाश बुढाथोकी, सुनिल बल, विजय गुरुङ, विष्णु गुरुङ मिडफिल्डर ।

बुद्ध राज लिम्बु (चेम्जोङ), असिम जंग कार्की, रोशन मल र मार्टिन्स कायोडे अजायी फरवार्ड ।

मेघराज केसी व रविन्द्र सिलाकार प्रशिक्षक

किपा- एनएसजेएफ

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.