All for Joomla All for Webmasters

ने.सं. ११३६ यंलागा अष्टमी

नेपाल–न्युजिल्यान्ड सोसाइटीइ मनोहर श्रेष्ठ

न्यूजिल्यान्डय् च्वनाच्वंपिं नेपालीतय् सभां नेपाल–न्युजिल्यान्ड सोसाइटीया अध्यक्षय् मनोहर श्रेष्ठयात निर्वाचित याःगु दु । गुम्ह दुजः दुगु कार्यसमितिया उपाध्यक्षय् दिनेश श्रेष्ठ, सचिवय् विनोद भौकाजी, उपसचिवय् अर्चना श्रेष्ठ भुजु व कोषाध्यक्षय् इन्द्र पाखरेल, अथेहे दजलय् प्रभा उप्रेती, सुजन गुरुङ्ग, कृतिका श्रेष्ठ गोली, लक्ष्मण श्रेष्ठ च्वनादीगु दु ।


    अध्यक्ष श्रेष्ठं न्यूजिल्यान्डय् च्वनाच्वंपिं नेपाःमितय् दथुइ स्वापू क्वातुकाः सामूहिक हितया निंतिं नेपाः व न्यूजिल्यान्ड दथइया स्वापू अझ सुदृढ यायेगु थःगु प्राथमिकता जुइ धयादीगु दु ।


    अथेहे सचिव भौकाजीं न्युजिल्यान्डय् नेपाली संस्कृतिया संरक्षण व प्रचारप्रसार यायेगु लिसें नेपाली व न्युजिल्याण्डया जनता (किवी) दथुइ स्वापू क्वातुकाः नेपाः भ्रमणया निंतिं उत्प्रेरित यायेगु खँ कनादिल ।


    सन् १९९८ य् न्हापांम्ह सगरमाथा आरोही सर एडमन्ड हिलारीया संरक्षकत्वय् सोसाइटी गठन याःगु खः । सोसाइटीइ आः जुन हिलारी संरक्षक जुयाच्वनादीगु दु । सोसाइटीं तःभुखाय् ब्वःबलय् नं नेपालय् मानवीय ग्वाहालि छ्वयाहःगु खः ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.