All for Joomla All for Webmasters

ने.सं. ११३६ यंलागा अष्टमी

स्वर्णयात क्यान्सरं नं पनेमफुत

स्वर्णयात क्यान्सरं नं पनेमफुत cnn.com

रियो÷ ५४ दँ थ्यनेधुंकल, अले क्यान्सरं वयागु बछि स्वँ मदयेधुंकल, तर सान्तियागो लान्गें रियो ओलम्पिकय् स्वर्ण त्याकाः हाकनं छक्वः थःत छुकिं नं पनेफइमखु धयागु क्यनाबिउगु दु ।
अर्जेन्टिनाया लान्गें थः पार्टनर सेसेलिया कारान्जा सारोलिलिसे जानाः सेलिङ्गय् स्वर्ण त्याकूगु खः । लान्गेया निम्ह कायपिं नं रियो ओलम्पिकय् ब्वति कयाच्वंगु दु । लान्गें स्वर्ण त्याकेवं वया निम्ह कायपि यागो व क्लाउसं पौडी म्हिताः वयागु बोटय् वयाः लसता प्वंकःवःगु खः।
थगुने थःत क्यान्सर जूगु पत्ता लगे जुइधुंकाः लान्गें थ्वयां न्ह्यः न्यागू ओलम्पिकय् ब्वति कयागु व निगू कास्य त्याकागुयात हे थःगु शक्ति व प्रेरणा कथं कयाः रियोय् धेंधेंबल्लाः याःवःगु खः ।


लान्गें सन् २००४ य् एथेन्सय् व प्यदँ न्ह्यव बेइजिङ्गय् कास्य त्याकूगु खः । थ्व धेंधेंबल्लाखय् अस्टे«ेलियाया जासन वाटरहाउस व लिसा डारमानिनं रजत व अस्ट्रियाया थोमस जाज्क व तान्जा फ्रान्कं कास्य त्याकूगु खः ।
मेखे जासन केन्य व लउरा ट्रोट मतिनामि रियोय् बिस्कं बिस्कं स्वर्ण त्याकाःट्य्राक साइकलिङ्गया जुजु व लानि कथं न्ह्यःने वःगु दु । थुपिं निम्हतिपुया थेंज्याःगु सफलता आःतक सुनां चूलाकेफुगु मदुनि ।

निम्हेसिनं यानाः ओलम्पिकय् झिगू स्वर्ण त्याकेधुंकूगु दु । गुकी केन्यया खुगू दुसा ट्रोटया प्यंगू दु । बेलायती कासामि केन्यस व ट्रोट दथुइ वइगु लाय् ब्याहा जुइत्यंगु दु ।
रियोय् प्यंगूगु स्वर्ण त्याकुसें ट्रोट बेलायतया दकलय् सफल मिसाम्ह ओलम्पियन जूगु दु । मेखे केन्यं खुगूगु स्वर्ण त्याकुसें थः पुलांम्ह जोडीदार क्रिस होयलिसे बराबरी यानाः ओलम्पिकय् दकलय् अप्वः स्वर्ण त्याकूम्ह कासामिया धलखय् च्वंवःगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.