All for Joomla All for Webmasters

ने.सं. ११३६ यंलागा अष्टमी

नेदरल्यान्ड विरुद्ध नेपाः त्यात

नेपाली क्रिकेट कासामि । नेपाली क्रिकेट कासामि । फाइल किपा


म्यान अफ दि म्याच कप्तान पारस खड्काया ८४ रनया ग्वाहालिं आइसीसी विश्व क्रिकेट लिग च्याम्पियनसीपया सोमवाः जूगु कासाय् नेपालं नेदरल्यान्डयात १९ रनं बुकूगु दु ।
नेदरल्यान्डया आम्स्ट्रडमय् जूगु कासाय् न्हापां ब्याटिङ्ग याःगु नेपालं ५० ओभरय् ९ विकेटया क्षतिइ २१७ रन दयेकूगु खः ।


खराब सुरुवात याःगु नेपालं २२ रन दयेकूबलय् न्हापांगु विकेट कथं अनिल मण्डल आउट जुल । मुक्कं ४ रन दयेकाः अनिल पवेलियन लिहां वंगु छुं ई लिपा हे ६ रन जक दयेका शरद भेषवाकर आउट जूगु खः । स्वंगू विकेट कथं उपकप्तान ज्ञानेन्द्र मल्ल आउट जुल । मल्लं ५२ बलय् छगू चौका व छगू छक्काया ग्वाहालिं ३९ रन दयेकावंगु खः । स्वंगू विकेट कुहां वंबलय् तक नेपालं मुक्कं ६५ रन जक दयेकूगु खः ।


थ्वयां लिपा ब्याटिङ्ग याःवःम्ह कप्तान पारस खड्कां ९४ बलय् न्हय्गू चौका व छगू छक्का थ्वानाः ८४ रन दयेकलसा सागर पुनं ७८ बलय् निगू चौका थ्वासें ४५ रन दयेकल ।
नेदरल्यान्डयात पारीइ कप्तान खड्कां घरेलु टिमया निगू विकेट काःगु खः । अथेहे शक्ति गौचन, सोमपाल कामी व बसन्त रेग्मीं नं निग निगू विकेट कायेवं नेदरल्यान्ड ४८.३ ओभरय् १९८ रनय् सीमित जूगु खः । नेपाःया निंतिं सागर पुन व सन्दिप लामिछानें छगू छगू विकेट काःगु खः ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.