All for Joomla All for Webmasters

ने.सं. ११३६ यंलागा अष्टमी

बोल्टं स्वर्ण त्याकल

रियो ओलम्पिकया सकल दर्शकतय्त लय्तायेकुसें उसेन बोल्टं १०० मि दौडय् स्वर्ण त्याकूगु दु । लिसें बोल्टं स्वक्वःतक लगातार स्वर्ण त्याकुसें १०० मिटर ब्वाज्याय् स्वंगू स्वर्ण त्याकूगु कीर्तिमान नं तःगु दु ।
२९ दँया बोल्टं ९.८१ सेकेन्डं दौड पुरा यासें थः प्रतिद्वन्द्वी जस्टिन गाट्लिनयात लिउने लाकूगु खः । बोल्टं थ्वयां न्ह्यव बेइजिङ्ग व लन्दन ओलम्पिकय् नं स्वर्ण त्याकूगु खः ।

थुपिं निगुलिं ओलम्पिकय् स्वंगू स्वंगू स्वर्ण त्याकूम्ह बोल्टं रियोय् नं स्वंगू हे स्वर्णया लक्ष्य ज्वनावःगु दु । आः वं २०० मिटर व ४०० मिटर रिलेय् स्वर्णया निंतिं धेंधेंबल्लाः याइ ।
‘जिं अझ तीव्र गति कायेगु लक्ष्य तयागु खः, न्ह्यागुसां स्वर्ण त्याःगुलिं लय्ता’ बोल्टं धाःगु दु, ‘जिं थन गुगु प्रदर्शन याये धकाः वयागु खः, अले जिं फुगु यानागु दु ।’

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.