All for Joomla All for Webmasters

ने.सं. ११३६ यंलागा अष्टमी

नरःयात पर्यटकीय गन्तव्य दयेकेगु अभियान

येँ मनपा ५य् च्वंगु नरःया तिसा मालेगु जात्रा यायगु पुखू लागायात उत्कृष्ट पर्यटकीय गन्तव्य दयेकेगु ताः तयाः राष्ट्रिय साँस्कृतिक पर्व/बाह्रमहिने पर्यटन पर्व सार्वजनिक/नेपालमण्डल हाडिगाउँ ः गोसाइँकुन्ड (सिलु) भ्रमण म्हिगःनिसें सुरु याःगु दु ।


    मेची महाकाली–हिमाल तराई मेमहित राष्ट्रिय अभियानं वाणभन्ज्याङ्गनिसें चन्द्रागिरि, दक्षिणकाली क्षेत्र, लेले क्षेत्र, फुल्चोकी, साँगा भन्ज्याङ्ग, नगरकोट, शिवपुरी, ककनी, नागार्जुन, बलम्बु, थानकोट जुयाः थ्व यात्रा यायेत्यंगु खँ अभियानकर्मी कृष्ण केसीं कनादीगु दु ।


    कृषि विकास मन्त्री गौरीशंकर चौधरीं म्हिगः थ्व यात्राया शुभारम्भ यानादिसें पुलांगु इतिहास क्वबिया वयाच्वंगु नरःयात पर्यटकीय क्षेत्र कथं विकास यायेत थःम्हं मन्त्रिपरिषदय् खँ यंकेगु कनादिल ।
    अभियानं नरःयात पर्यटकीय क्षेत्र कथं विकास यायेगु माग तयाः कृषिमन्त्री मार्फत प्रधानमन्त्रीयात ज्ञापनपत्र नं लःल्हाःगु खः । उगु ज्याझ्वलय् सांसद जेबी टुहुरे, राष्ट्रकवि माधवप्रसाद घिमिरे व शताब्दीपुरुष सत्यमोहन जोशीपिंसं नरःयात पर्यटकीय क्षेत्र कथं विकास यायेमाःगु खँ धयादीगु खः ।


    अभियानं ‘राजधानीया नेपाल मण्डल ः हाँडीगाउँ, न्हय्न्यागू जिल्लाया न्हय्न्यागू थाय्, राष्ट्रिय पहिचान सहितया नमूना पर्यटन गन्तव्य दयेके’ धयागु नारा बियाः यात्रा न्ह्याकूगु खः ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.