All for Joomla All for Webmasters

ने.सं. ११३६ यंलागा अष्टमी

युनिलिभरं छगू कित्ता शेयर १०२० तका नगद लाभांस बीगु

युनिलिभर कम्पनीं प्रति कित्ता शेयरय् द्वःछि व नीतका दां नगद लाभांस बीगु जूगु दु । कम्पनीया शुक्रवाः च्वंगु बोर्ड बैठकं थ्व प्रस्ताव पारित यायेधुंकूगु दु । थुकियात आः साधारण सभां पारित यानाः नगद लाभांस बीगु जुइ ।
कम्पनीं थगुने प्रति कित्ता ९९० तका नगद लाभांश बिउगु खःसा थुगुसी थुकी ३० तका थप यानाः १०२० तका बीत्यंगु खः ।


थ्व ल्याखं कम्पनीं ९५ करोड तका दां नगद लाभांसया निंतिं जक इनेत्यंगु दु । अथेखःसां थुकी मुक्कं २० प्रतिशत अथे धयागु १९ करोड तका जक नेपाःया लगानीकर्ताया ल्हातय् लाइ । युनिलिभरय् ८० प्रतिशत शेयर हिन्दूस्तान लिभर कम्पनीया दु । नगद लाभांसपाखें हिन्दूस्तान लिभरं ७५ करोडं मल्याक दां यंकी ।

युनिलिभरय् नेपाःपाखें सर्वसाधारण १ लाख ३८ हजार१०५ कित्ता शेयर दुसा व्यवसायी रविभक्त श्रेष्ठया कम्पनी शिवविक्रम ल्याण्ड एण्ड इन्डष्ट्रिजया ४६ हजार ३५ कित्ता शेयर दु ।
नेपाःया शेयर बजारय् दकलय् थिकेगु युनिलिभरया शेयर थौंकन्हय् प्रति कित्ता ३३ हजार तका स्वयां अप्वलं न्यायेमी जुयाच्वंगु दु । कम्पनीं वइगु असोज ५ गते साधारण सभा यायेत्यंगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.