All for Joomla All for Webmasters

ने.सं. ११३६ यंलागा अष्टमी

दकलय् तःधंगु मचा सिरपाः घोषणा

नेपाल–भाषा ख्यलय् आः तकया दकलय् तःधंगु मचा सिरपाः थौं घोषणा जुल । शताब्दी पुरुष सत्यमोहन जोशीं चिचीधीपिं मस्तय् दथुइ च्वनाः थ्व सिरपाः घोषणा यानादीगु खः । थ्व सिरपाःया लागिं आर्थिक व्यवस्थापन यानादीम्ह सुनिलकुमार शाक्यं (जापान) ज्याझ्वलय् वयाच्वंपिं गैरआवासीय नेवाःतय्त नं नेवाःतय् लागिं आर्थिक ग्वाहालि यायेत आह्वान यानादिल । 

थ्व सिरपाः व्यवस्थापनया भाला कयादीम्ह नेवाः वस्ती नेवाः स्कूल अभियानया दिपक तुलाधरं थीथी देशं समेत वःगु ग्वाहालिपाखें सिरपाःयात १४ लाख दां मुनेधुंकूगु जानकारी बियादिल । वय्कलं थ्व सिरपाः सरकारी व निजी स्कूलय् नेपालभाषा कयाः आखः ब्वनाच्वंपिं नर्सरीनिसें न्यागू तगिं तकया मस्तय्त दँय्दसं बीगु खँ कनादिल । ज्याझ्वलय् नेवाः न्ह्यलुवा लिसें विदेशं वःपिं नेवाःतय् उपस्थिति दुगु खः ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.