All for Joomla All for Webmasters

ने.सं. ११३६ यंलागा अष्टमी

ख्वपया भाषिक कार्यकर्तात हानं एमालेय्

न्हापा एमाले त्वःताः संघीय समाजवादी फोरमय् दुहां वनाच्वंपिं ख्वपया सलंसः कार्यकर्तात थौं हानं एमालेय् हे पुनः प्रवेश जुइत्यंगु दु । थौं थनया शुभकामना पार्टी प्यालेसय् छगू ज्याझ्वः यायेत्यंगु दु । थुकी ख्वपया नेपालभाषा न्ह्यलुवापिं नरेन्द्रभक्त हाडा, त्रिचन्द्र शाक्य, प्रदिप शाक्य लिसें स्वतन्त्र जुयाच्वंम्ह नारायणभक्त बाटी समेत दुथ्याइगु खँ धाःगु दु । एमालेया उपाध्यक्ष अष्टलक्ष्मी शाक्य मूपाहां जुइगु थौंया ज्याझ्वलय् करिब द्वःछिम्ह कार्यकर्ता एमाले प्रवेश जुइगु दावी याःगु दु । थ्व धुंकाः कार्तिक १ गते दत्तात्रय एमाले प्रदेशया खुल्ला ज्याझ्वः नं यायेगु ग्वसाः जुयाच्वंगु दु ।

न्हूदँ ज्याझ्वलय् नेमकिपायात हाथ्या

ख्वपय् आपालं नेवाः कार्यकर्तात एमालेय् दुहां वइगु जूगुलिं आः वइगु नेपाल संवत्या न्हूदँय् एमालें नेमकिपायात हे हाथ्या जुइ कथं भिंतुना जुलुस पिकायेगु तयारी यानाच्वंगु खँ सीदुगु दु । न्हूदँ कुन्हु दँय्दसं नेमकिपा समर्थक तःमँुज्यापाखें सूर्यमधि त्वालं ¥याली पिकयाः खौमाय् सिधयेकेगु याना वयाच्वंगु खः । थुगुसी एमालेपाखें नं वहे न्हि कुन्हु वहे इलय् वहे रुट जुयाः ¥याली पिकायेगु तयारी यानाच्वंगु खँ सीदुगु दु । एमालेपाखें थज्याःगु ज्याझ्वः पिहां वःगुलिं तःमुँज्याया दुजःत अजूचायाच्वंगु खँ धाःगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.