All for Joomla All for Webmasters

ने.सं. ११३६ यंलागा अष्टमी

५ प्रतिशत मबिउसा नयाँ शक्ति अलग्ग

बाबुराम भट्टराई नेतृत्वया नयाँ शक्ति पार्टी नकतिनि जूगु वाम गठबन्धनं पिहां वइगु सम्भावना अप्वःगु दु । थौं च्वंगु नयाँ शक्ति पार्टीया केन्द्रीय बैठकय् थःपिंत म्होतिं नं ५ प्रतिशत सिट मबीगु खःसा एमाले व माओवादीलिसे जुइत स्वयाच्वंगु तालमेल त्वाःथलाः थःगु हे चुनाव चिं कयाः चुनावय् वनेगु जुइ धइगु प्रस्ताव पेश याःगु दु । यदि थःगु हे चुनाव चिं (मिखा) कयाः चुनावय् वने माल धाःसा मेगु न्ह्यागु पार्टीलिसे नं तालमेल जुइफु धकाः नं बैठकं निर्णय याःगु दु ।

अथे हे पार्टी अध्यक्ष डा. बाबुराम भट्टराईया गृहजिल्ला जुयाच्वंगु गोरखाय् भट्टराईयात सिट त्वःते मखु धकाः माओवादीं कयाच्वंगु अडानयात नं पार्टीपाखें विरोध याःगु दु । गोरखाया छगू सिटय् नारायणकाजी श्रेष्ठ दनेगु व मेगु सिटय् नं थः हे उम्मेदवार थनेगु धकाः माओवादीं अडान काःगु कारणं नयाँ शक्ति तम्वःगु दु । थौंया बैठकय् पार्टी अध्यक्ष डा. भट्टराईनं सुंलिसे तालमेल जूसां मजूसां गोरखा २ नम्बर क्षेत्रं थःपिंसं उम्मेदवार बियां त्वःतेगु जुइ धकाः घोषणा यानादीगु खँ सूत्रं कंगु दु । थःपिं न्हापांनिसें दना वयाच्वनागु जूगुलिं अन थःपिं त्याइगु दावी नं वय्कलं यानादीगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.