All for Joomla All for Webmasters

ने.सं. ११३६ यंलागा अष्टमी

पोखराया भूगोलया वैज्ञानिक अध्ययन

पर्यटकीय नगरी पोखराया थीथी थासय् भासे जुयाः गाः जुयाच्वंगु थाय्या वैज्ञानिक अध्ययन शुरु जूगु दु । थगुने पोखराया थीथी थासय् आकाझाकां भासे जुयाः अज्याःगु गाः बने जूगु खः । उकी लानाः गुलिखे मनूतय् छेँ समेत भासे जूगु खः । तर थ्व छाय् व छु कारणं जूगु खः धकाः सुनां नं मसिउ । आः उकिया कारण पत्ता लगे यायेगु लागिं वैज्ञानिक अनुसन्धान शुरु याःगु खः । थुकिया लागिं बँया क्वय् २५ किलोमिटर तकया भूगर्भ स्थिति सीके फइगु उपकरण हयाः ज्या यानाच्वंगु दु । थ्व उपकरणं बँया क्वय् तरंग छ्वयाः क्वय्या भूबनौट गज्याःगु खः धइगु खँ पत्ता लगे याइ ।
थुकिया लिसें बँया क्वय् रड दुछ्वयाः मालेगु ज्या नं याइ । अथे हे मनू थहां वने मछिंगु तसकं ततःजाःगु थासय् ड्रोन क्यामेरापाखें स्थिति पत्ता याइगु खँ नं धाःगु दु ।

आः जुइगु थ्व सर्वेक्षण पोखराया भूबनौट बारे जुइगु पूवंगु सर्वेक्षण जुइगु खँ धाःगु दु । थुकिं पोखराय् थ्व प्वाः गनाच्वंगु बारे जक मखु कि पोखराया सम्पूर्ण भूबनौटया बारे हे अध्ययन याइ । थज्याःगु प्वाः पोखराया छु छु थासय् गना वनीगु सम्भावना दु, आः प्वाः दुगु थासय् लिपा हानं मेगु प्वाः गनी लाकि गनी मखु, पोखराय् शहरी विकास याना वनेगु खःसा अन गुलि तल्ला तकया छँे दने जी, छु छु लागाय् छु छु कथंया छेँ दंसा बांलाइ धइगु खँ तक नं थुकिं पिहां वइगु खँ धाःगु दु । पोखराय् थनिं २० दँ न्ह्यः नं थज्याःगु छगू सर्वेक्षण जूगु खः । अबले जूगु सर्वेक्षणयात हे पूर्णता बीगु ल्याखं थ्व सर्वेक्षण यायेत्यंगु खँ धाःगु दु । अतिकं जटिल भौगोलिक अवस्था दुगु पोखरा लखय् डुबे जुइफु धइगु तक नं भविष्यवाणी यायेगु ज्या जुयाच्वंगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.