All for Joomla All for Webmasters

ने.सं. ११३६ यंलागा अष्टमी

गौचनयात शहिद घोषणा यायेत माग

म्हीग गोलीं कयेकाः स्याःम्ह निर्माण व्यवसायी महासंघया अध्यक्ष शरदकुमार गौचनयात शहिद घोषणा यायेमाः धइगु माग यासें थौं निर्माण व्यवयासीतय्सं येँय् प्रदर्शन याःगु दु । उगु जुलुस प्रदर्शनय् महासंघया पूर्व अध्यक्ष, पदाधिकारी, दुजः लिसें गौचनया थःथितिपिंसं ब्वति काःगु दु । उमिसं येँया माइतीघरंनिसें न्हू बानेश्वर तक प्रदर्शन याःगु खः ।¥यालीइ गौचनलाई शहिद घोषणा याये माःगु, हत्यारायात तुरुन्त ज्वनाः कारवाही याये माःगु व सम्पूर्ण निर्माण व्यवसायीतय् सुरक्षाया ग्यारेन्टी जुइमाः धकाः नारा थ्वयेकाः वःगु खः ।

महासंघं थ्व स्वयां न्ह्यः हत्यारायात तत्काल ज्वनाः कारवाही यायेमाः धइगु माग यासें प्रधानमन्त्री शेरबहादुर देउवा, गृहमन्त्री जनार्दन शर्मा, येँँ जिल्लाया सीडिओ केदारनाथ शर्मा व सुरक्षा निकायया प्रमुखतय्त नापलानाः माग न्ह्यब्वयेधुंकूगु दु । महासंघया महासचिव रामशरण देउजां अध्यक्षया हत्या नापनापं नां मसिउगु नम्बरपाखें आः मेमेपिं व्यवसायीतय्त नं ख्याच्वः बियाः फोन वयेगु शुरु जूगुलिं सकल व्यवसायीतय् सुरक्षाय् ध्यान बीत नं सरकारयात इनाप यानादीगु दु । अध्यक्ष गौचनया हत्यारायात मज्वंतले वय्कःया शव उठे मयायेगु खँ निर्माण व्यवसायी महासंघ व
वय्कःया छेँजःपिंसं धाःगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.