All for Joomla All for Webmasters

ने.सं. ११३६ यंलागा अष्टमी

ख्वालय् हाखः पाकाः बजाः चाःहीकल

विराट–नगरया बेलबारी धाःगु थासय् ध्यबा खुया काल धइगु द्वपनय् छम्ह मिसा मचायात ख्वालय् हाखः पाकाः बजाः चाःहीकेगु ज्या याःगु दु । थःगु हे छेँया जःलाखःला–तय्सं १४ दँ दुम्ह उम्ह मिसामचायात अथे बजाः चाःहीकूगु खः । उम्ह मिसामचायात लिपा प्रहरी वयाः तिनि बचे यायेमाःगु खःसा वयात हाखः पाकाः बेइज्जत याःगु द्वपनय् प्रहरीं अन हे च्वंपिं न्हय्म्ह स्थानीय मनूतय्त नं ज्वंगु दु । उमिसं बेलबारी–२ स्थिति देवीथान डाँडाय् च्वनीम्ह हेमकुमार परियारया १४ दँ दुम्ह म्ह्याय् सम्झनायात ख्वालय् हाखः पानाः ‘थ्व खुँनि खः’ धकाः च्वयातःगु ट्याग क्वखायेकाः बजाः चाःहीकेगु ज्या याःगु खः ।

वंगु असोज १९ गते स्थानीय अनिता दनुवारया छेँय् खाटय् तयातःगु पर्सं ७०० तका दां उम्ह मिसामचां खुया काःगु द्वपं उमिसं बिउगु खः ।मिसामचायात अथे अमानवीय ढंगं बजाः चाःहीकल धइगु खबर वयेवं हे प्रहरी अन थ्यंकाः मचायात उद्धार यासें स्वम्ह मनूयात ज्वंगु खः । लिपा अनुसन्धान यायां वंबलय् हानं मेपिं प्यम्हेसित नं ज्वंगु खः । प्रहरीं घटना बारे थप जाँच यानाच्वंगु दनि ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.