All for Joomla All for Webmasters

ने.सं. ११३६ यंलागा अष्टमी

स्वयम्भूइ ल्वहं क्वाना वल !

स्वयम्भू महाचैत्यया नापसं बँय् लानातःगु छगः ल्वहं आकाझाकां क्वाना वःगु खनाः अन वइपिं भक्तजनत अजूचाःगु दु । स्वयम्भूइ च्वय् बसुन्धरा देगःया नापसं बँय् लानातःगु छगः ल्वहं अथे क्वाना वःगु खः । थ्व ल्वहं थीबलय् तसकं हे क्वाःगु महसुस जू । तर वयालिसे हे जवंखवं प्यपुंक च्वंगु मेमेगु ल्वहं धाःसा अथे क्वाःगु खने मदु । वहे ल्वहं छगः जक क्वाना वःगु खनाः अजूचाःपिं मनूत थौंकन्हय् हुल हे मुनाः उगु ल्वहं थियाः स्वयेगु यानाच्वंगु दु ।

उकुन्हु तक थ्व ल्वहं अथे क्वाःगु सी मदुनि । म्हीग अन पुजा यायेत लाकां त्वःताः न्यासि वनाच्वंम्ह छम्ह मनुखं दकलय् न्हापां उगु ल्वहं क्वानाच्वंगु सीकूगु खः । म्हीगंनिसें थौं तकं उगु ल्वहं अथे हे क्वानाच्वंगु दनि । थौं ला उगु ल्वहंयात स्वां व सिन्हः छानाः पुजा नं यानातःगु दु । वंगु कतिंपुन्हि कुन्हु उगु थासय् बार ग्वयाः ज्यापुतय् वःलाः तयेगु ज्या जूगु खः । ल्वहं क्वाना वःगु खनाः अन थीथी कथंया अनुमान यानाः खँ ल्हायेगु यानाच्वंगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.