All for Joomla All for Webmasters

ने.सं. ११३६ यंलागा अष्टमी

समानुपातिक उम्मेदवारया अलमल

मंसिरं जुइगु प्रदेश चुनावया लागिं समानुपातिक उम्मेदवारतय् नां धलः बीगु छवाः जक ल्यं दनिबलय् थ्व नां गय् यानाः बीगु धइगु खँय् दलत अन्यौलय् लाःगु दु । उकिं दलतय्त थ्व सम्बन्धी शिक्षा बीगु लागिं निर्वाचन आयोगं थौं नं सहलह ज्याझ्वः याःगु दु । चुनावया लागिं दर्ता जूगु मुक्कं ९१ गू दल मध्ये बछिलिसे म्हिगः व बछिलिसे थौं सहलह याःगु खः।निर्वाचन आयोगं पिकाःगु नियमा–वली कथं समानुपातिकया नांधलः बीबलय् आदिवासी जनजाति, मधेसी, दलित, खस आर्य फुक्कं जातियात समानुपातिक ढंगं समावेश यायेमाः । यदि समानुपातिकया कुल ल्याः मध्ये १० प्रतिशत जक उम्मेदवारी बीगु खःसा उमिसं धाःसा थ्व समानुपातिक समावेशी नियम पालना यायेम्वाः ।

स्वनिगः समेत दुथ्याःगु ३ नम्बर प्रदेशया लागिं समानुपातिकय् करिब ४४ म्ह सांसद भाग लाः वइ । यदि थ्व प्रदेशय् कुल मतदाता मध्ये ७० प्रतिशतं मतदान यात धाःसा समानुपातिकपाखें छम्ह सांसद त्याकेगु लागिं करिब ४८ हजार मत कायेमाःगु जुइ । ३ नम्बर प्रदेशय् स्वनिगः लगायत १३ गू जिल्ला दु । थन दुने लाःगु येँ जिल्लापाखें प्रदेशय् २० म्ह सांसद प्रत्यक्ष चुनावं त्याना वनी । अथे हे केन्द्रय् १० म्ह सांसद त्याना वनी । केन्द्रया छगू चुनाव क्षेत्रयात हे प्रदेशया निगू क्षेत्र कथं विभाजन यानातःगु दु । थुकी प्यंगू न्यागू वडाया नं छगू क्षेत्र जुयाच्वंगु दुसा येँ मनपा ३१ वडा धाःसा छगू वडा हे मुक्कं छगू क्षेत्र जुयाच्वंगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.