All for Joomla All for Webmasters

ने.सं. ११३६ यंलागा अष्टमी

पसः मिं नयाः लखौं क्षति

वंगु चान्हय् थनया मालपोत लागाय् च्वंगु कृष्णबहादुर राईया चिया पसः मिं आपालं धनमाल क्षति जुल । पसः मिं नयाः अन तयातःगु न्यागः ग्याँस सिलिण्डर समेत मुया वःगु खः । सिलिण्डर मुयाः ५० फिट तापाक च्वंगु शटर व ब्लकया अंगः ह्वखनाः दुने क्वथाय् थ्यं वंगु खः । सिलिण्डर मुयाः सर्गतय् समेत ब्वया वनेवं अन छझाः आतंक हे ब्वलंगु खः । मिं नयाः पसःया पिनेसं दिकातःगु बा. ८५ प २२३८ नम्बरया मोटरसाइकल ध्वस्त जूगु दु ।

छुं नयातःगु तारं पिहां वःगु मिं सिलिण्डर व पल्सर बाइकयात थिउगु व वहे मि तच्वः जुया वंगु खँ पसःथुवाः कृष्णबहादुर राईं नेपालभाषा टाइम्सयात कनादिल । उदयपुरया लेकगाउँ निवासी राईं दछि न्ह्यः अन पसः तःगु खःसा मोहनि न्ह्यः तिनि न्हूगु मोटरसाइकल न्यानाहःगु खः । मिं नयाः करिब ५ लाख तका बराबरया धनमाल क्षति अनुमान दु । पसः जःखः सुं मदुगुलिं मानवीय क्षति धाःसा मजुल । उकी लानाः राईया जा थुयाः नयेगु थलबल तकं ध्वस्त जूगु दु ।

Rate this item
(0 votes)
Login to post comments
Go to top

Copyright © 2016  nepalbhasa.com. All rights reserved.